Estudos e investigacións sobre Xaquín Lorenzo Fernández
BOLETÍN DA REAL ACADEMIA GALEGA
A casa reflicte en Galicia, con máis intensidade ca noutros países, a visión e a concepción do espazo ?ideal?, así como as relacións sociais e a escala de valores existentes, propios da sociedade e da cultura na que se enxertan e por iso Xaquín Lorenzo acentúa a valoración dela, en gran medida, en factores eminentemente socioculturais. De aí que os seus estudos teñan preocupado ao longo do tempo a homes de leis, etnógrafos ou sociólogos, algúns deles realizados polo economista Xosé M. Beiras, o sociólogo Mario Orjales ou os etnógrafos X. M. González Reboredo e XoséCarlos Sierra. O arquitecto australiano Amos Rapoport, estudoso das culturas tradicionais do mundo, corroborando dalgunha maneira o valor que o noso investigador dá á casa no vello complexo agrario galego, expresouno así: ?Las diferencias entre los tipos de edificios de distintas áreas consisten en la evidencia de las diferencias en la cultura, ritos, modos de vida y organización social, climas, paisajes y materiales y técnicas disponibles, mientras que las similitudes son la evidencia no sólo de áreas en que han coincidido alguno o todos esos factores, sinó también de algunas constantes básicas en las necesidades y deseos del hombre? (RAPOPORT, 1972: 27). OS
ESTUDOS SOBRE ARQUITECTURA POPULAR POSTERIORES
XAQUÍN LORENZO A descuberta da existencia e dos valores das construcións que integran a casa no seu concepto máis amplo, e doutras que se contemplan noutros lugares da grande obra do etnógrafo ourensán, iniciárona os etnógrafos da Xeración Nós e do SEG, do que el mesmo formaba parte. Será el quen achegará un conxunto de materiais que pasarán a considerarse como o punto de partida para estudos e investigacións sobre a arquitectura popular en Galicia. Aínda así tiveron que transcorrer case vinte anos para que, despois da publicación de 1962, e tendo como referente ineludible ese traballo, estudosos de diferente formación académica ou simplemente autodidactas, completen e amplíen o labor emprendido pola personalidade sobranceira de Xaquín Lorenzo. Nun comezo de forma esporádica e máis adiante de forma continuada, foron aparecendo un bo número de monografías sobre parroquias, pallozas, casavivenda, construcións adxectivas ou aspectos parciais. Sobre estudos de vivendas en zonas determinadas están os de: Rogelio Ferrín Martínez, nas zonas rurais do litoral vigués (19651966), Xosé Ramón e FernándezOxea, sobre a parroquia ourensá de Santa Marta de Moreiras (1968), Xosé María Lema Suárez, sobre a localidade de Bamiro en BaioZas (A Coruña) no 1977, Carlos García Martínez, sobre a casa da costa, a do interior e a redonda (19751976), Pedro de Llano, sobre Ons, a arquitectura dunha comunidade desaparecida (1981), Fernando Martínez Sarandeses, sobre a arquitectura vernácula de Pontevedra (1982), Francisco Mallo Lagoa, sobre a casa mariñeira en Cangas de Morrazo e arredores (1982), Mark Gimson, sobre as pallozas (1983), Fuensanta Albo López e Rosario Candela Iglesias, sobre as vivendas rurais en TeixeiroCurtis (A Coruña), en
AO TRABALLO DE
23 Nº 365