MANUEL MURGUÍA
253
Se temos en conta que Murguía era un firme valedor da orixe aria do pobo galego (a través dos celtas), a súa insistencia no ?glorioso futuro? das razas arias adquire entón un significado moi especial (e moi oportuno para os seus argumentos). Como se pode deducir do devandito, o extremo oposto da raza aria branca e superior eran as razas nonbrancas e inferiores ?os pobos indíxenas africanos, americanos ou oceánicos4. Eles de feito ocupaban o derradeiro chanzo da xerarquía racial de Murguía. El considerábaos como razas primitivas que vivían á marxe da historia humana, vexetando en bosques e selvas milenarios lonxe de calquera contacto coa civilización e levando unha existencia coma a do ?home prehistórico?, máis animal ca humana. A súa inferioridade permanente e inmutable impedíalles exercer calquera influencia sobre os asuntos humanos, e súa vida pasiva só podía ser mobilizada mediante a achega civilizadora dos pobos europeos ?argumento polo demais case universal por entón para xustificalo imperialismo occidental?. Con todo, e precisamente por mor da súa permanente inferioridade, era moi posible que estas razas salvaxes estivesen condenadas a desaparecer borradas polo ?ímpeto? (é un eufemismo) da civilización europea, probablemente demasiado elevada e sofisticada para aquelas mentalidades primitivas. E se a súa desaparición podía ser un feito a lamentar, non era menos certo que eran as consecuencias ?inevitables? da marcha da civilización (Murguía, 1865: 7). Neste punto as opinións de Murguía e o discurso colonialista achábanse en perfecto acordo, se ben as prioridades do primeiro non estaban na lexitimación das empresas coloniais (nin sequera, obviamente, da española). Por último, o lugar intermedio entre o cumio da xerarquía, ocupado pola raza aria, e a súa base, habitada polas razas nonbrancas, estaba cuberto polas razas semitas (de novo sen especificar se estas pertencían a un grupo racial máis amplo ?quer a raza caucasiana, quer a asiática?). Dende o paseniño artellamento da corrente a r i a n i s t a a comezos do XIX fora habitual establecer unha dicotomía racial entre as razas arias e as semitas, fornecendo case sempre as primeiras o aspecto positivo da mesma, namentres as segundas asumían o papel de ?contrario negativo? (e ás veces perigoso) a respecto das primeiras. Como era de agardar, tendo en conta a representación