254
BOLETÍN DA REAL ACADEMIA GALEGA
negativa e o papel de ?bode expiatorio? que o pobo hebreo viñera exercendo no imaxinario e na vida de occidente dende o abrente do cristianismo, ós xudeus correspondéullelo protagonismo principal nesta dicotomía arios/semitas (Poliakov, 1971; Olender,1989). En Murguía os semitas representaban tamén esa función de ?reflexo negativo? a respecto da raza aria. Neles estaban personificados tódolos vicios e defectos que se opoñían ás virtudes arias ?os semitas eran covardes e efeminados, febles e lascivos, ?crueis e despóticos?, e se se lles concedía o ?privilexio? de posuíren unha civilización propia (a diferencia das razas salvaxes nonbrancas) esta era alcumada de ?atrasada?, ?decadente? ou ?absurda? (Murguía, 1891a: 2530; 1891b). Nisto Murguía seguía en parte a imaxe do ?semita? que estaba presente en autores arianistas contemporáneos (en especial as teses de Renan); e en parte unha longa tradición (que se remontaba á Grecia clásica) centrada na representación negativa do ?bárbaro oriental?, tradición reactivada durante o século XIX baixo a forma dunha dicotomía entre o progreso de Occidente e o atraso de Oriente (Said, 1990). Pero malia á dependencia a respecto destas dúas correntes á hora de presentala súa imaxe do ?semita?, hai unha peculiaridade do autor galego que debe ser salientada: a súa negativa a utilizalos xudeus como arquetipo desa representación negativa. El atribuíalles esas características raciais negativas do ?semita? ós fenicios, ós cartaxineses e, sobre todo, ós árabes... nunca ós hebreos. De feito na súa obra Galicia (1888) falaba dos xudeus en termos moi positivos5, presentándoos como un pobo activo, traballador e intelixente ?en parte responsable da prosperidade da que gozara Galicia nos séculos medievais? e lamentando a súa posterior expulsión da Península (causa de ruína para os reinos peninsulares, Galicia incluída) (Murguía, 1888b: 465474). Pero se os xudeus se libraban nos escritos de Murguía do papel que se lles atribuía frecuentemente, eran pola contra os árabes o arquetipo das ?impotentes? razas semitas, o cal sen dúbida tiña vantaxes engadidas para o seu discurso histórico e a súa estratexia ideolóxica. Porque aproveitando o feito histórico do longo dominio musulmán sobre unha parte considerable da Península (dominio do cal el deixaba moi claro que ficaba fóra Galicia), Murguía atribuía unha chegada considerable de sangue semita á composición racial dos casteláns. Co