Estudos e investigacións sobre Xaquín Lorenzo Fernández
BOLETÍN DA REAL ACADEMIA GALEGA
Letras Galegas promoveu e editou a Universidade de Santiago de Compostela?, onde xa utiliza o seu método de análise e descrición gráfica con toda intensidade, e o estudo que constitúe o seu discurso de ingreso na Real Academia Galega o 16 de setembro de 1951, co título de La casa gallega ?nestes intres en vías de saír en versión galega no libro Estudios etnográficos (dispersos e inéditos). Técnicas, Palabras e Símbolos, realizado e tamén editado polo Museo do Pobo Galego?. Posteriormente a eses traballos iniciáticos dará a luz en forma continuada, ademais do profundo estudo global da casa e doutras moitas construcións en Etnografía. Cultura material, de varias publicacións monográficas que conteñen pescudas sobre vedacións, combarrizos, pontes, hórreos, o sobrado, e as que entran no terreo da tecnoloxía preindustrial como os muíños de maré ou as ferrerías. En Galicia, o mesmo que noutros países do mundo, a casa como creación cultural e material acada unha importancia grande, tanto se se considera baixo un concepto amplo (concepto que abrangue á casavivenda ?o centro nuclear dela?, construcións adxectivas, membros da unidade familiar que viven baixo o mesmo teito, facenda e terras), ou se se refire soamente ao seu edificio nuclear, a casavivenda. Sierra considera que ?Un dos aspectos que reflicte mellor a densidade antropolóxica da obra de Xaquín Lorenzo son os seus traballos sobre a casa. Para el o espacio construído como habitación é ante todo un lugar de relación onde se combinan formas constructivas adaptadas ás necesidades do grupo doméstico coas que se derivan da implicación no espacio habitado doutros elementos que forman parte dos procesos productivos, ao tempo que participan das relacións sociais e simbólicas construídas polo grupo familiar co seu contorno. Na casa coexisten, mellor conviven, persoas e facenda (persoas e animais) e todos tecen a rede de relacións que explica e configura ese mundocentro real, simbólico e social, do ecosistema rural? (SIERRA, 1999: 72). Aínda que Xaquín Lorenzo fixa principalmente a súa atención no aspecto formal e descritivo da edificación, non deixa de ter conciencia da complexidade que se encerra nela ao ser o centro neurálxico da vida dos homes, tanto do agro como do mar. Por iso fai referencia ás funcións sociais que en certos espazos se desenvolven, como pode ser a cociña ?o ?sancta santorum? da unidade familiar, en expresión do antropólogo Lisón Tolosana?, ou o carácter simbólico que leva candasí a sala da respecto, cando a hai. A valoración que fai do rol determinante da casa como o claustro no que se expresan as relacións entre os membros da familia e a terra lévao a que na estruturación das materias que aborda no seu tratado etnográfico, este se inicie co estudo da casa. A importancia que Xaquín Lorenzo lle concede concordaba coa que lle daban parte dos etnógrafos e homes de pensamento, que a tiñan como o elemento principal da cultura material dos pobos. Tanto, que en casos lle chegan a dar un valor de símbolo nacional ou a considerala suma expresión da raza. Os propios etnógrafos do Seminario de Estudos Galegos teñen resaltado no seus traballos a importancia que lle atribuían, tanto no senso de ser o
21 Nº 365