Eladio Rodríguez González
BOLETÍN DA REAL ACADEMIA GALEGA
en cousas da Terra e a quen ésta nada lle debe? ¿E que no hai na Cruña quen poida se presidente da Academia con maiores méritos que o que se pretende elixir? Todos sabemos que os hai, e por eso mesmo é mais inaguantabre a actitude descastada e nonxenta de quenes aspiran cometer a mais grande cacicada que recordará a Nosa Galicia, tan escarnecida, de tanto cacique. [...] Agardamos que non seremos, nós sós a protestar e confiamos en que habemos de ver como en Galicia se ergue unha voz unánime de protesta, cousa que nunca se faría con mais xusticia e verdade en ningunha outra ocasión [...] (ANT 1924a).
Á voz discrepante dos nacionalistas, únese a dun grupo de coruñeses, artífices dunha campaña para evitar a elección do candidato oficial, por medio dunha carta enviada ós académicos, na que se incide na necesidade de elixir un presidente que destaque polo coñecemento de Galicia, intentando así contrarrestar o efecto da circular da Xunta de Goberno10. A identificación que o xornal coruñés El Noroeste fai deste grupo cos membros de A Nosa Terra e a Irmandade da Fala provoca un enfrontamento entre ambos os dous xornais que chega ó extremo de que o xerente do primeiro deles, José García Acuña, se negue a imprentar nos seus talleres o número 199 de A Nosa Terra, en que aparecen duras críticas contra El Noroeste e os responsables da candidatura de Ponte y Blanco (ANT 1924d). Cunha pequena demora, o voceiro nacionalista sae á luz pública cando xa se elixira a Ponte y Blanco presidente da Academia, ratificando todo o que se di na carta enviada ós académicos, pero rexeitando a súa autoría.
Pola prensa de Galicia conocen os nosos leitores todo o revuelo que se armou con motivo d'unhas cartas que un grupo de cruñeses dirixiron aos académicos facéndolles presente a necesidade de pensar seriamente en elixir un académico que reuna os necesarios méritos pola sua obra en favor da historia, literatura e demais aspeitos da vida de Galicia, para a presidencia da Academia, vacante pola morte do ilustre señor Martínez Salazar. Xusgamos innecesaria a pubricación n'estas columnas da referida carta, xa que é de todos conocida e cantos a leron tiveron ocasión de ollar nos termos de correición e alteza de miras en que foi inspirada. A maior parte da prensa acolleuna favorabremente, reconocendo a realidade de canto n'ela decíase. Somentes houbo dos xornás, os dous da Cruña. que pretenderon desviar a custión dándolle un caraiter que non tiña. Foron ?La Voz de Galicia? e ?El Noroeste?. Como se permitiron decir cousas que non eran certas e mixturaron no preito á ?Irmandade da Fala? da Cruña e a A NOSA TERRA, queremos nós poñer algunhas cousas en craro, dicindo con toda exactitude a verdade do que sucedeu. [...] ?El Noroeste? e ?La Voz de Galicia? [...] pretenderon desviar a custión decindo que era unha trama urdida na nosa Irmandade contra o prestixio da Academia. Con respeito ao do prestixio ben patentizado quedou que non había tal cousa na carta, rec
103
Nº 362