Eladio Rodríguez González
BOLETÍN DA REAL ACADEMIA GALEGA
tante, y hubo necesidad de tirar las páginas dos a dos, y algunas, una a una. Van los 1.000 ejemplares que Vdes. deseaban y no se imprimen los 2.000 por economía, y ser innecesarios, toda vez que el pliego ha de ser reimpreso. Mucho celebramos queden Vds. satisfechos y puedan cumplir así la palabra empeñada con los Sres. que componen la Asociación (Neira Vilas 2000: 85).
Os cadernos do Diccionario van ir saíndo paseniñamente durante quince anos, por mor das penurias económicas da Institución, quedando a publicación inconclusa no número 27 e na voz ?cativo?. Nun traballo anterior7 apuntabamos que, á parte dos motivos económicos, houbera unha serie de circunstancias que agravaran a situación, e hoxe, posuímos novos datos que nolo confirman. Para entender cómo se van desencadeando os feitos que levan ó abandono da publicación do DRAG e en qué medida vai influír nisto o DEGC de Eladio Rodríguez, temos que remontarnos á morte de Manuel Murguía, quen tiña a elaboración do diccionario académico como prioridade absoluta:
la R. ACADEMIA GALLEGA que habéis iniciado y vive de vuestro amparo [refírese á Protectora], no descansará hasta ver realizada la obra de supremo provincialismo que le habéis encomendado: esto es, la redacción y publicación del DICCIONARIO DE LA LENGUA GALLEGA (Neira Vilas 2000: 157).
A sucesión presidencial A partir da morte do primeiro presidente da Corporación, Manuel Murguía, e do breve mandato de Martínez Salazar falecido o 6 de outubro de 1923 o ambiente académico ensaríllase a causa da sucesión presidencial, afectando isto á traxectoria do DRAG. Segundo Henrique Monteagudo (1999: 3734) neses momento están a adquirir moito protagonismo na Academia certos elementos provenientes do mundo social coruñés, totalmente alleos á cultura galega. Este é o caso de Francisco Ponte y Blanco, académico proposto para a sucesión de Martínez Salazar; exalcalde da Coruña, á sazón, tesoureiro da Academia e membro das máis importantes asociacións culturais da cidade herculina, a quen o sector máis galeguista se opón claramente, polo seu escaso coñecemento da cultura galega, ademais da nula preocupación pola mesma. A oposición ó candidato presentado demorará a elección presidencial uns cinco meses, nos que se levan a cabo campañas a favor e en contra desa candidatura. A correspondencia, entre académicos e da propia Institución, e as noticias da prensa ofrécennos un detallado percorrido polos acontecementos dese período. A primeira noticia ó respecto é de A Nosa Terra, que intenta promocionar os mem
99
Nº 362