BOLETÍN DA REAL ACADEMIA GALEGA
Eladio Rodríguez González
Lleva quince años trabajando en él y ha buscado y rebuscado entre todos los autores gallegos y personas que más conocen de estas nuestras cosas cuanto de algún interés existe (Lesta Meis 1926).
Como xa apuntara o xornal Faro Coruñés (1926): ?autor de un diccionario en el que trabaja hace quince años?. O que nos remonta a 1911, precisamente cando a Academia finaliza a recolleita de material para o DRAG e comeza o labor de redacción das papeletas. Outros datos, proporcionados por Céltiga, sitúan o inicio da obra no ano 1907.
Diccionario Enciclopédico GallegoCastellano de Don Eladio Rodríguez y González, presidente de la Academia Gallega, altísimo poeta y hablista insigne. Esta obra representa 20 años de trabajo de nuestro gran patriarca y constituye una verdadera Enciclopedia gallega (CEL 1927).
En calquera caso, o máis probable é que a súa curiosidade lexicográfica fose froito do traballo realizado para a elaboración do diccionario da Academia3, un dos obxectivos primordiais da Institución, iniciado en 1907, ó pouco da inauguración da mesma. O autor de Oracións Campesiñas vai ser, desde esa data, un dos encargados da clasificación de papeletas, xunto con Manuel Murguía, Francisco Tettamancy, Salvador Golpe Varela e Florencio Vaamonde, na comisión elixida para tal fin, da que os dous últimos son presidente e secretario respectivamente (BRAG 1907a: 2178)4. Esta Comisión Clasificadora traballaba conxuntamente con outras dúas, a Comisión Xestora e a Ortográfica. O seu cometido era facer un estudio das diversas papeletas existentes sobre unha mesma voz, para a redacción dunha única papeleta. Un ano despois, a necesidade de reaxuste de persoal, por ausencia ou enfermidade dalgúns socios, leva a Eladio Rodríguez á Comisión Xestora a carón de Bernárdez González, Carré Aldao, Pérez Ballesteros e Jaime Ozores, marqués de San Martín, na que permanecerá ata o ano 1924 (BRAG 1907b: 114). Como diciamos anteriormente, en 1911 o traballo de recolleita de material estaba máis ou menos rematado, e o arquiveiro bibliotecario, César Vaamonde, foi designado pola Xunta de Goberno para redactar os borradores das papeletas, coa conformidade da Asociación Iniciadora y Protectora5 (BRAG 1911: 712), que de seguido pasarían ás mans dos académicos para seren examinados, e rectificados ou aprobados, antes da redacción definitiva. O DRAG comeza a publicarse no ano 1913, pero xa en 1912 se fixera unha tirada de 1.000 exemplares do primeiro caderno, para entregar ós socios da Protectora na data que se lles prometera6:
En el correo de hoy les remitimos el 1er cuaderno del Diccionario (16 páginas). Fue humanamente imposible el poder llegar a más, porque en la imprenta no hay letra bas
Nº 362
98