240
BOLETÍN DA REAL ACADEMIA GALEGA
Mais non nos deteremos aínda. Atopámonos na Galicia de finais do século XIX, no contexto dunha arqueoloxía nacente, na que impera o afán pola recolleita exhaustiva de datos sen criterios moi definidos. Pero Murguía, adiantándose unha vez máis ós tempos, é xa capaz de asumila necesidade de dalo paso á interpretación. El sabe que as dificultades ?se multiplican á lo infinito a u n q u e p a rece imposible cuando el ministerio de la historia se limita a la p u r a d e s c r i p c i ó n ? (1888: 94), e por iso cre que se debe correlo risco de suxerir explicacións. Así o amosa na súa evolución persoal, e na segunda edición da Historia de Galicia (1901) comprobamos que sen abandonar esta faceta se detén moito menos na descrición minuciosa de pezas e monumentos, para ofrecer un relato moito máis interpretativo. Por se non temos aínda argumentos dabondo para valorala excepcionalidade da investigación arqueolóxica murguiana, poderiamos ver tamén en Murguía un pioneiro das correntes máis actuais de investigación. Xa mencionamola apreciación que foi capaz de facer sobre o valor socialterritorial dos monumentos megalíticos, que antecede en case un século os estudios de arqueoloxía espacial. Pero tamén está insinuada en Murguía a que acaba de ser bautizada como arqueoloxía de xestión, non só nos seus alegatos pola conservación do patrimonio por parte das autoridades oficiais, senón tamén na súa recomendación de que se fagan controis de impacto arqueolóxico durante as tarefas industriais; por exemplo, nas de desecamento da lagoa de Antela, ?pues los gastos que esto ocasionase á la provincia serían re p roductivos. Con lo que allí se hallase, podría darse principio a un Museo prehistórico, cuyo valor superaría al costo? (1888: 36). Unha vez máis, preguntámonos: ¿pódese negala actualidade destas afirmacións? Finalmente, non poderiamos aspirar á imparcialidade se rematasemos sen facer un maior comentario sobre a influencia ideolóxica na arqueoloxía murguiana. O traballo arqueolóxico de Murguía está fortemente condicionado pola ideoloxía. A proxección política que lle quixo dar á súa obra deixa tamén a súa pegada nas súas indagacións sobre o pasado. Non obstante, debemos ser ecuánimes á hora de formular sentencias. Atopámonos na delicada situación de quen, tratando de dar a coñecer unha faceta infravalorada dun autor, corre o