MANUEL MURGUÍA
La memoria del hombre cuaternario puede sin peligro de error perderse, como de hecho se pierde, en las sombras de los tiempos antehistóricos, pero nada tenemos que ver con él. Para nosotros el hombre blanco, es todo... (1901: 449450).
237
Estas afirmacións, sen embargo, parecen contradictorias ó lado doutros parágrafos nos que Murguía proclama que, a pesar do pouco coñecidas que son estas poboacións, ?no por eso deja de importar cuanto de ellas se sabe?, e que, neste eido, as autoridades deberían prometer ?á nuestro s a n t i c u a r i o s ancho campo á sus investigaciones? (1888: 24). Quedamos, deste xeito, cunha impresión ambigua do que Murguía puido saber ou querer saber das épocas precélticas. Se ben non se opón ó desenvolvemento da ciencia, si que é partidario de centralos esforzos en ? c o n o c e r l o m á s c e rc a n o y q u e t o c a al hombre actual? (1888: 19). E é neste punto onde máis traizoou a ideoloxía ó noso historiador. Só resta por comentala atención prestada por Murguía ás épocas posteriores á poboación celta. Desde o punto de vista da arqueoloxía actual, debemos recoñecer que a súa achega será menor no que atinxe a estes períodos. O motivo é evidente, toda vez que é unha circunstancia que, de feito, ven constrinxindo inxustificadamente o desenvolvemento da arqueoloxía dos tempos históricos ata os nosos días: a gran cantidade e variedade de fontes de información. A medida que avanzan os séculos, a documentación xerada polas sociedades á que temos acceso aumenta considerablemente e, en consecuencia, os historiadores tenden a privilexialas fontes escritas como base para as súas reconstruccións. Así fai tamén Murguía. Isto non quere dicir que ignore os restos materiais dos distintos momentos da Historia; moi ó contrario, serán constantes as súas referencias detalladas ós monumentos, fortalezas, templos e construccións característicos de cada época. Na Galicia, en particular, incluirá diversos apartados dedicados ós ?Monumentos? máis significativos de cada cidade. Agora ben, na meirande parte dos casos, os relatos serán meramente descritivos, e non se interroga ós monumentos na procura de información. Nun traballo máis amplo poderiamos deternos nos seus estudios sobre a Torre de Hércules, por exemplo, que atribúe ós fenicios (1866: 77), ou na súa hipótese sobre unha primeira utilización das Torres de Catoira en época romana