PRESENT A C I Ó N
ste número, o 362 do noso Boletín, está dedicado a tres temas literarios moi vencellados, dun xeito ou doutro, á Academia. A primeira parte do Boletín acolle traballos de investigación sobre a vida e a obra literaria de don Eladio Rodríguez González, que foi académico numerario desde o inicio da nosa institución (1906) e tamén secretario (19201926) e presidente (19261934) da mesma. A Academia, que lle tributou unha homenaxe no seu lugar natal (San Clodio, Leiro) no quincuaxésimo aniversario do seu pasamento (19491999), dedícalle, neste 17 de maio do ano 2001, o Día das Letras Galegas. Nesta primeira parte tamén se publica un texto de homenaxe: o soneto escrito ?ad hoc? por Xosé Carlos Gómez Alfaro. A segunda parte acolle traballos sobre o tempo histórico e a obra poética de Manuel Curros Enríquez, traballos cos que a nosa Academia súmase ó conxunto de estudios que a figura do gran escritor está suscitando neste ano, o CL do seu nacemento. Sobre Curros Enríquez e José Fontenla Leal trata a terceira parte do Boletín. Sabido é que o inesquecible litógrafo ferrolán e o gran poeta emigrado foron homes claves na Habana da ?Asociación Iniciadora y Protectora de la Academia Gallega?, institución que, desde alén mar, propiciou en Galicia a creación e constitución da Academia Galega. O presente traballo inscríbese no esquema preparatorio dos actos e estudios con que en datas moi próximas (2005, 2006) a Academia conmemorará o seu centenario. Na sección de Documentos, o Boletín publica o estudio do académico numerario señor Ferro Ruibal sobre un valioso texto medieval obrante nos arquivos da nosa institución. É propósito da Academia, a partir desta data, dar a coñecer os textos inéditos que obran na institución nunha revista que, co título Letras da Academia, terá como obxectivo esencial o de exhumalas páxinas valiosas ou interesantes que garda a Academia. O Boletín, que é o órgano central da Academia, ofrece, preceptivamente, na súa sección de ?Vida oficial?, a crónica referida ó ano 2000, e, dentro dela, as correspondentes necrolóxicas.
E