MANUEL MURGUÍA
137
desta revistería. Moitos periodistas de sona ligados a elas perderon espacio ou deixaron por completo de colaborar. Murguía só foi un entre moitos. FINAL CON FIN En resumidas contas, entre 1856 e 1868, o noso persoeiro é ?antes que ningunha outra cousa? un periodista de prestixio, con tribunas abertas en Galicia e en Madrid. Dispón de órganos de expresión case propios e variada obra, aberta ós campos temáticos máis sorprendentes. Esa variedade temática, patente nos periódicos de Madrid, trócase en actividade galeguista ?case exclusiva? polo que se refire a Galicia. A La Oliva e a El Miño seguirán outros periódicos ata chegar a este Boletín da Real Academia Galega, onde se garda unha boa mostra da súa derradeira producción intelectual. Ese contraste entre a actividade desenvolvida en Madrid e en Galicia resalta a importancia biográfica excepcional do M u s e o Universal cando se quere entendela formación intelectual do personaxe. Mais a perda deses medios madrileños de comunicación forzouno a reincidir incansablemente no monotema galego, que era ?semella claro? o que máis lles interesaba a el e ós periódicos de Galicia. O cambio, de máxima importancia biográfica, coincide sintomaticamente coa Revolución de Setembro de 1868. Cando os compañeiros políticos da longa viaxe periodística na prensa progresista e democrática toman o poder. Desde entón, como se sabe, Murguía alterna os traballos de colaboración periodística coa tarefa burocrática como arquiveiro do Estado. O lector familiarizado coa súa obra clásica, circunscrita a Galicia e ó galeguismo, debe saber que bo número de cuestións que se teñen por características da madurez intelectual, teñen que retrotraerse no tempo a aquela fase, case xuvenil, cando o autor as alternaba con outro xénero moi diverso de preocupacións universais. Ben de veces, incluso sen corrixirse a si mesmo, Murguía volve dalos mesmos textos, sorprendentes, de El Museo, de La Iberia, de La C r ó n i c a, de La Oliva, coma se foran novos. Son textos básicos, no senso máis radical da expresión. O oficio profesional como periodista tamén será descontinuo desde entón, ata quedar reducido á tarefa de colaborador con prestixiosa sinatura,