136
BOLETÍN DA REAL ACADEMIA GALEGA
esas revistas fina tamén un modelo formativo e informativo da prensa de Madrid, aberto a tódalas Españas provinciais. Nas que el (sen exclusivizarse endexamais, e seguindo tradicións que outros iniciaran) logrará metela problemática galega de xeito continuado e intenso. O centralismo político (que sempre se debe distinguir do concepto unitarista de España), tan imperfecto en 1851 como aquela Puerta del Sol en permanente estado de obras, consolídase e endurecese nas décadas posteriores. Sobre todo na transición que configura a primeira Restauración borbona (desde 1875). A crítica murguiana dese centralismo unitarista xorde da experiencia como observadorparticipante, cronista e sufridor dun proceso que acabará por expulsalo de Madrid. Na primeira transición monárquica (18751882) o periodismo español asumiu o novo papel. A cabeceira e o éxito indiscutible de La Ilustración Española y Americana, en España e nas Américas, confirma a fondura sociolóxica e política do proceso unitarista. Sen embargo, durante algúns anos, tal concepto xerarquizado da información, convive coa saudade dos modelos anteriores. Con 15 e 30.000 subscritores o éxito de La Ilustración de Abelardo de Carlos e o A l m a n a q u e a n u a l, non tiña precedente. Multiplicaba por dez (por quince, segundo os editores) a tiraxe do M u s e o. Creou a ilusión de que esa tendencia podía nutrir outras iniciativas complementarias, necesariamente distintas do que foran o Semanario Pintore s c o e o Museo Universal. En 1878, Murguía volve a Madrid para dirixir unha delas: a de Alejandro Chao. Pero La Ilustración de Galicia e Asturias (C a n t á b r i c a no tramo final) resultou inviable, causando a ruína do editor. O paradoxo de tan marabillosa experiencia atlántica está en que o apoio dos subscritores foi maior nas comunidades emigradas, en Madrid, no resto da España Atlántica e nas Américas, que na Galicia, Asturias e Cantabria territorial. Porque o centralismo unitarista endexamais foi un fenómeno exclusivo de Madrid... As consecuencias obedecen á mesma lóxica daquel fracaso memorable. Os cambios operados nas Ilustracións, favoreceron a consolidación do conxunto de excelentes colaboradores literarios e artísticos de Abelardo de Carlos. Acordes co novo criterio monárquico e constitucional de 1876, as tradicións democráticas e republicanas que animaran o modelo precedente ficaron fóra