MANUEL MURGUÍA
135
A pesar de que o esforzo dos editores non acadou endexamais a rendibilidade que era de agardar, o prestixio do Museo Universal superou incluso ó do Semanario Pintoresco Español. Como sucedera con este (e sucederá coa prensa gráfica en xeral), a influencia destas revistas garda pouca concordancia coas tiraxes. Dirixida a prestixiosos subscritores; presente nas casas, salóns, cenáculos, casinos, faladoiros ou reboticas de alto copete, a marca Gaspar y Roig vaina manter durante tantos anos como sinal de prestixio e como soporte publicitario do grupo editorial. Aparecida co ano 1857, a morte de Roig (1863) marca o comezo dun declive que irá afectando, progresivamente, a toda a empresa. En 1868, os irmáns Gaspar vendéronlla a Abelardo de Carlos, unha síntese memorable das historias empresariais e informativas que estamos evocando neste ensaio. Atlántico gaditano (n. en Cádiz, 1823), De Carlos comeza a facerse rico editando unha revista ?para señoritas? na cidade natal, cando Murguía mete o seu poema no Correo de la Moda. Transplantada a Madrid, La Moda Elegante Ilustrada compasará a saída, primeiro co Museo Universal, despois coa marabillosa Ilustración Española y Americana. Unha revista esta que en nada desmerece das mellores publicacións europeas do último tercio do século. Faltos como estamos das coleccións completas de La Oliva e El Miño, os ensaios e artigos publicados por Murguía no Museo Universal ?entre 1857 e 1868? constitúen unha fonte ineludible para entendela complexa evolución intelectual e ideolóxica do personaxe. Naquelas páxinas, xunto ós textos murguianos (empapados de historias galegas, pero multitemáticos), aparece a plasmación gráfica (e o concepto de ilustración) que practicaron ?na proximidade dun auténtico Taller de traballo? os amigos Serafín Avendaño e Federico Ruíz. AS ILUSTRACIÓNS Murguía non se limita a colaborar nesta revistería gráfica. Será nela un apóstolo do debuxo tomado do natural e un dos grandes eruditos no que se refire a un xénero literario e artístico onde son fundamentais debuxantes e gravadores. Nese senso, sen embargo, sempre será un epígono, porque o S e m anario Pintore s c o e o Museo Universal non só sinalan ?como se vén repetindo nas historias? o final definitivo dunha etapa: a do gravado en madeira. Con