134
BOLETÍN DA REAL ACADEMIA GALEGA
no texto, quedaran obsoletos en 1856; pero consolidaron a colaboración entre escritores e artistas gráficos. Poderase dicir que uns versos e unha solitaria crónica son pouca cousa para definir unha tendencia; pero Eduardo Gasset tivo o mérito de incorporar dous novísimos integrantes do quinteto madrileño dos Murguía e Cía á mellor tradición do periodismo gráfico e literario español: Murguía e Serafín Avendaño. Non estaba nada mal, porque só tiñan 23 e 18 anos respectivamente. A cousa cobra máxima importancia biográfica e cultural naquel intre, porque xa se falaba de cambios históricos nesa clase de prensa e porque ?en 1856? Murguía sabe que ?gracias ós Avendaño, Federico Ruíz, Eduardo Gasset e Eduardo Chao? está nas mellores condicións para loitar por facerse cun espacio nese periodismo. Polo demais, aínda que fosen os últimos galegos en chegaren ó Semanario Pintoresco Español, confirmaban a liña tradicional dunha revista onde se deran cita con anterioridade os pioneiros do galeguismo literario preexistente que reverenciaban: Antonio Neira de Mosquera, Enrique Gil Carrasco, os irmáns Rúa Figueroa, Nicolás Taboada Leal, Antonio Romero Ortiz, Villaamil y Castro, Benito Vicetto... ELMUSEOUNIVERSAL En 1856, cando o Semanario Pintoresco Español atravesaba tan profunda crise, o grupo Gaspar y Roig acomete a idea de sacar adiante (coa nova xeración de escritores, debuxantes, gravadores, que se formaran nas coleccións bibliográficas) El Museo Universal. Non era o caso de Murguía; pero Eduardo Chao fixo saber ós editores a competencia e as novidosas ideas con que traficaban os Murguía e Cía, relativas sobre todo á pintura e ó debuxo ?do natural?, aplicables á ilustración gráfica. Federico Ruíz, Serafín Avendaño e o antedito entraron nos plans da editorial desde o primeiro intre. Escribiron, debuxaron e pintaron para os Gaspar e os Roig con intensidade proporcional ás súas necesidades económicas e ás peculiaridades formativas. O prestixio e a influencia, tan temperáns, do periodismo de Murguía garda relación coa densa e variada colaboración de dez anos no M u s e o. Esta nova tarefa veuse a engadir ás precedentes ?xa mencionadas? nos diarios de Madrid e nos periódicos dos Chao en Galicia.