MANUEL MURGUÍA
131
etc., de Eduardo convertéronse en argumento editorial. Murguía e el daban o aire ?literario e informativo? que se respiraba en Madrid; pero favoreceron igualmente a colaboración das amizades de Ourense, A Coruña, Vigo, Ferrol, Pontevedra ou Compostela. Só así, un diario vigués ?francamente viguista? puido adoptar desde o primeiro número un ton xeral, unitario, galeguista. Coa analoxía GaliciaIrlanda e este lema: ?Todo por Galicia. Todo para Galicia?. Dese ton, naturalmente, recearon de inmediato ?por distintos motivos, maiormente locais e políticos? os periódicos da competencia. Non só Faro d e Vi g o. O progresivo desencontro de Murguía con Vicetto, por exemplo, cobra outra profundidade se o miramos desde este contexto que ofrecen as subscricións e os intereses portuarios, ferroviarios ?francamente estratéxicos, pero inconfesables? que enfrontaban as cidadesporto da Coruña e de Vigo, e que defendían os ?seus? periódicos respectivos... Algo moi distinto aconteceu no sector liberal de Compostela. A botica do pai de Murguía e o seu irmán Nicolás convertéronse en bandeirolas de enganche de subscritores e colaboradores de La Oliva. A sinatura do popularísimo Aurelio Aguirre (desde o 27 de febreiro) foi das primeiras en aparecer. O éxito do periódico no ambiente progresista de Santiago aumenta despois do Banquete de Conxo (2 de marzo), cando ese sector mostra solidariedade coa liña informativa do periódico e coa actividade parlamentaria que desenvolveran os demócratas Eduardo Chao e Eduardo Ruíz Pons. O brinde de Pondal, a correspondencia literaria con Luís Rodríguez Seoane, as explicacións de Aguirre (?A mis calumniadores?), atoparon no periódico vigués cálida acollida. Na orde literaria La Oliva case chega a parecer un órgano do Liceo de la Juventud compostelán e dos galegos máis achegados a Murguía e ós Eduardos, residentes en Madrid... O periódico e os acontecementos deron ocasión a Murguía e Eduardo Chao para comezar en La Oliva exitosas campañas mitificadoras dos fitos históricos progresistas que tiveron por marco este antigo país atlántico. Unha manifestación aínda hoxe ben visible do éxito acadado por aquel periodismo está nos primeiros monumentos civís de honra ó martiroloxio liberal de Galicia. O ton deste periodismo murguiano (caso do alusivo ós mártires do 46, fusilados en Carral) é de estricta militancia progresista e galeguista: