Estudos e investigacións sobre María Mariño
BOLETÍN DA REAL ACADEMIA GALEGA
Pero tamén hai outras posibilidades relevantes, como ?En vez de ?¡Ven!? dixen ?¡Vou!?, / ó sentir forte chamar da voz vella de quen son? (111); neste caso, ó mesmo tempo que aparece dita voz esencial e profunda prodúcese un fenómeno característico, ó que tamén faremos referencia, como é o da suspensión das categorías lóxicas universais, que neste caso implica a relativización da noción de identidade persoal, sendo imposible de distinguir o ?eu? do ?ti? nese intenso intercambio comunicativo. En ocasións, a identificación desta voz antiga co mundo do Misterio resulta total e absoluta, denotando a súa radical diferenza coa linguaxe mundana e a súa función de guía polos vieiros do descoñecido: ?Unha vella voz zoaba entorno dela / i en plegaria o seu verso confundía / e logo viu que o seu feito camiño era / o que a voz doutro reino lle traía? (139). E, por suposto, unha vez máis, a identificación entre o mundo natural, na súa dimensión transcendente, e a propia identidade da voz poética, á que xa nos temos referido, lévanos á conclusión de que dita voz vella pode servir tamén para referir o mundo interior da poeta, no seguinte exemplo na forma dun texto escrito: ?Sei quen de min ditou un verso / que o mundo por enteiro derribou. / Aquel verso deixou en fondo texto / que logo en libro vello se trocou? (140). Non obstante, unha vez establecida a orixe mítica desta voz ou palabra orixinaria e xerminal, que chega do máis alá e dá lugar a unha revelación, pode ser representada con outras calidades e potencias ou, por ser máis precisos, noutras manifestacións funcionais da mesma ou ben en distintas fases da súa aparición. Ditas representacións, que podemos enunciar mediante amálgamas caracteristicamente mariñanas como as de verbaluz, verbapedra, verbalume, verbadeserto ou verba que comeza, son tamén unha constante ó longo da súa produción. Esta última citada, a verba que comeza, no poema 4 do poemario epónimo, refírese claramente ó poder xenesíaco e de apertura dos sentidos que ten esa palabra epifánica que decide revelarse: ?Encéndeseme o peito, brúa en alma soia / ?verba que comenza?. Ti que sabes de onde viñen, / ti que sabes ben quen son, / ti que ves por onde ando. / Ouh, raxa o tempo ca túa hora, raxa as cousas, / ti xa morta, viva ou non sei, ti...? (153). Pero xa en textos de Palabra no tempo podemos ver referencias como: ?A noite foi un cantar dun fiel ben en vozdeserto. / ¡Canto choio dil me veo polo eixe do seu verso!? (100). Neste caso, a mención ó deserto alude directamente á vivencia da desposesión, á que faremos referencia máis adiante, e á sequidade do espírito que caracteriza a fase purgativa e ascética do proceso místico, na que a vontade queda anulada para facer posible a manifestación do Misterio. No mesmo sentido, o deserto ten idéntica peculiaridade intrínseca que a pedra ?a sequidade10?, polo que tamén cabe esta identificación: ?Pica o canteiro pedra, / a que onte foi tecida / na erguida voz do poeta / pra verba da cantiga? (90). Daquela, a verba ten unha materialización obvia, convertida como está en mineral que ben pode representar a imaxe da lapis lapsus ex caelis, a pedra que caeu do ceo e que se atopa, daquela, en exilio, fóra do seu lugar ??Baixaría o Ceo á Terra?
29 Nº 368