Membros da Academia Pleno De honra De número Correspondentes

Giuseppe Tavani
Roma


Giuseppe Tavani

Giuseppe Tavani (1924 -2019), catedrático de Filoloxía Románica e profesor emérito da Universidade de Roma La Sapienza, centrou fundamentalmente a súa investigación na poesía lírica galego-portuguesa e na poesía lírica e narrativa provenzal, catalá e francesa.

Foi doutor honoris causa das Universidades de Santiago de Compostela, Barcelona e Lisboa, socio correspondente do Institut D'Estudis Catalans e da Academia das Ciencias de Lisboa, director das coleccións filolóxicas “Romanica Vulgaris” e “Quaderni di romanica vulgaria”, e membro do comité de redacción de numerosas revistas especializadas europeas e americanas. A súa produción científica comprende máis de trescentos títulos, entre libros, traducións, artigos, notas, introducións, voces enciclopédicas, recensións e novas bibliográficas, estendéndose por todos os sectores da filoloxía románica.

Para a cultura galega é indispensable a súa contribución ao estudo da nosa lírica medieval, tanto as edicións críticas coma os estudos sobre a métrica ou as interpretacións de conxunto de toda a lírica. Salientan o monumental Repertorio métrico della lirica galego-portoghese e mais o Dicionário da Literatura Medieval Galega e Portuguesa

Obtivo numerosos premios entre os que destacan o Premio da Crítica Galicia, o Pedrón de Ouro, a Medalla Castelao e o Premio Internacional Ramón Llull.
Unha provenza hispánica: a Galicia medieval, forxa da poesía lírica peninsular é o título do seu discurso de ingreso, que tivo resposta do académico Ramón Lorenzo Vázquez.

Na seguinte ligazón está dispoñible o seu discurso de ingreso: Unha Provenza hispánica: a Galicia medieval, forxa da poesía lírica peninsular. A Coruña, 2004.


Dicionario
Axenda de actos Ver todos
Xoves 5 de decembro de 2019 / 19:00 h
Charla de Toponimízate - Casa da cultura de Noia
Mércores 11 de decembro de 2019 / 11:30 h
Charla da campaña Toponimízate nas Neves
Luns 16 de decembro de 2019 / 14:30 h
Charla da campaña Toponimízate - Folgoso do Courel
Martes 17 de decembro de 2019 / 15:45 h
Charla da campaña Toponimízate - Cerdedo-Cotobade
Xoves 19 de decembro de 2019 / 12:30 h
Charla da campaña Toponimízate - Pazos de Borbén

Novas da Academia

Subscríbete