Sobre o Día de Galicia

Grazas á iniciativa das Irmandades da Fala, o 25 de xullo de 1920 celebrábase por vez primeira vez o Día de Galicia.
Imaxe da portada de A Nosa Terra
Imaxe da portada do número 167 de A Nosa Terra


No editorial do número 167 do semanario A Nosa Terra publicado o 25 de xullo de 1922, o seu redactor resumía do seguinte xeito a consigna das Irmandades da Fala para o Día de Galicia: "Que hoxe todos poñan o seu pensamento en Galicia, falen a súa propia fala, e recen os versos dos nosos poetas!".

Foran as propias Irmandades da Fala as que dous anos antes, en 1920, decidiran instituír en Galicia unha xornada dedicada á exaltación dos signos de identidade propios (o idioma, a bandeira, o escudo...). Neste sentido, o editorial do número 167 d´A Nosa Terra que reproducimos aquí de xeito íntegro, resulta un exemplo ilustrativo do ideario das Irmandades contra esta altura, pois nel atopamos unha chamada á confraternidade con Portugal e coas sociedades galegas da emigración americana, fachendosamente alcumadas "as nosas colonias alén do Atlántico", así como a defensa dun federalismo de corte iberista.

A pesar de todos os augurios optimistas presentes no resto dos artigos do semanario, coa instauración da Ditadura de Primo de Rivera en 1923, A Nosa Terra había sufrir a estreita censura do Directorio Militar, e a celebración do Día de Galicia ficaría en suspenso ata a proclamación da República en 1931.

Dicionario

Novas da Academia

Subscríbete

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 378

Boletín da Real Academia Galega
nº 378

Consultar

Cadernos de Lingua
nº 36

Consultar