Presentación de 'Nimbos, cáliz fervendo'

O volume XXIX dos Cadernos Ramón Piñeiro titulado Nimbos: cáliz fervendo! é un monográfico dedicado ao estudo da obra de Xosé María Díaz Castro.
Marica Campo, Valentín García Gómez, Xosé Ramón Barreiro Fernández, Pilar García Negro e Luís Cochón
Marica Campo, Valentín García Gómez, Xosé Ramón Barreiro Fernández, Pilar García Negro e Luís Cochón.


A presentación, que tivo lugar o 27 de maio no salón de actos da Academia, contou coa intervención do académico Xosé Ramón Barreiro Fernández, quen exerceu como mantedor doa acto; do secretario xeral de Política Lingüística, Valentín García Gómez; do editor literario da obra, Luís Cochón, e das profesoras Marica Campo e Pilar García Negro. O acto contou, ademais, coa asistencia do membro de número da Academia e director científico do Centro Ramón Piñeiro, Manuel González e de Luís Alonso Girgado, coordinador da monografía.

Na súa alocución, o editor literario da obra, Luís Cochón, logo de definir Nimbos como un proxecto poético que procura unicamente expresar "a raíz esencial, o dicir primordial" da materia que escolle como tema, e de describila como "unha elexía total na que o poeta se doe de todos nós, incluído el mesmo", afirmou que o obxectivo do monográfico era renderlle unha "homenaxe necesaria" ao autor de Nimbos mediante unha colectánea de 24 artigos asinados por outras tantas figuras das nosas letras.

A profesora e poeta Marica Campo, pola súa parte, fixo un resumo da súa achega a esta XXIX edición dos Cadernos Ramón Piñeiro, centrada na análise do poema "Penélope" que ela concibe, en contra da interpretación xeral deste texto en clave pesimista, como unha exhortación á resistencia: "O poema expresa e mesmo celebra a vontade deste país de persistir na loita, mesmo a pesar do fracaso".

No esteiro da lectura de Carballo Calero, para a profesora e ensaísta, Pilar García Negro, Díaz Castro foi un poeta relixioso que se serviu da poesía levar a cabo "un reencontro afectivo coa terra ausente". A seguir, García Negro centrou o seu labor de pescuda no texto "Coma brasas", salientando o emprego recorrente no mesmo da luz como metáfora da linguaxe e do don da palabra, que esta autora relaciona co relato bíblico de Pentecoste.

O secretario xeral de Política Lingüística, Valentín García Gómez, pola súa parte, logo de expresar o seu agradecemento á nómina de colaboradores deste monográfico, concluíu: "Grazas ás súas visións, o proxecto poético de Díaz Castro fica, a partir de hoxe, clarificado e a súa interpretación máis accesible para os lectores que decidan achegarse aos seus textos".

No libro participan, entre outros, o membro de honra da Academia, Arcadio López Casanova, os numerarios Xosé Luís Axeitos, Andrés Torres Queiruga, Darío Xohán Cabana e Xosé Luís Franco Grande, ademais de Xosé María Álvarez Cáccamo, Chus Pato, Olga Novo e Armando Requeixo.

Dicionario
Axenda de actos Ver todos
Mércores 21 de novembro de 2018 / 16:30 h
Charla da campaña Toponimízate en Miño
Xoves 22 de novembro de 2018 / 13:00 h
Ourense: Exposición dos 150 anos da 'Gramática' de Saco Arce
Xoves 22 de novembro de 2018 / 16:30 h
Ourense: Homenaxe a Saco Arce. 150 aniversario da 'Gramática gallega'
Venres 23 de novembro de 2018 / 17:30 h
Charla da campaña Toponimízate en Parada de Sil
Martes 27 de novembro de 2018 / 13:00 h
'Toponimízate' chega a Cospeito
Martes 27 de novembro de 2018 / 16:30 h
Simposio María Victoria Moreno
Mércores 28 de novembro de 2018 / 16:30 h
Simposio María Victoria Moreno
Venres 30 de novembro de 2018 / 19:00 h
Charla da campaña Toponimízate en Cariño

Novas da Academia

Subscríbete

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 378

Boletín da Real Academia Galega
nº 378

Consultar

Cadernos de Lingua
nº 36

Consultar