Carballo celebra a Alfredo Brañas no 160 aniversario do seu nacemento

Carballo celebrou o pasado venres o 160 aniversario do nacemento de Alfredo Brañas cunha xornada na que participaron o presidente da Real Academia Galega, Víctor F. Freixanes, e o académico Xosé Ramón Barreiro, experto na figura do escritor e pai do rexionalismo galego, nado nesta localidade o 11 de xaneiro de 1859.

Fonte: Concello de Carballo


O programa, organizado polo Padroado Alfredo Brañas coa colaboración do Concello de Carballo e da Real Academia Galega, empezou cunha recepción dos convidados na casa municipal por parte do alcalde, Evencio Ferrero. Alí Víctor F. Freixanes asinou no libro do honra do concello e pronunciou unhas palabras de agradecemento polo convite á RAG a se sumar a esta celebración.

A xornada continuou cunha ofrenda floral xunto á casa natal e a escultura de Alfredo Brañas realizada por César Lombera. Aos seus pés, o rexedor, Víctor F. Freixanes e Xosé Ramón Barreiro depositaron unha coroa de loureiro e unha alumna e a directora do instituto que leva o nome do homenaxeado protagonizaron un breve recitado antes de concluír esta parada coa interpretación do Himno.

A xornada rematou cunha mesa redonda no Casino de Carballo. Presentada pola presidenta do Padroado Alfredo Brañas, Adriana Hurtado, contou coas achegas do historiador carballés Xan Fraga, o presidente da RAG, que se detivo na produción de Brañas no eido do xornalismo literario, e Xosé Ramón Barreiro, que profundou na relación entre o persoeiro homenaxeado e Manuel Murguía.


Xosé Ramón Barreiro, Evencio Ferrero, Víctor F. Freixanes, Adriana Hurtado e Xan Fraga na mesa que pechou a xornada. Fonte: Concello de Carballo

Dicionario

Novas da Academia

Subscríbete

Cursos de Verán 2019


Toda a información
nesta páxina

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 378

Boletín da Real Academia Galega
nº 378

Consultar

Cadernos de Lingua
nº 36

Consultar