Homenaxe a Antonio Fraguas no seu vixésimo cabodano

O cemiterio compostelán de Boisaca acolleu este martes unha homenaxe a Antonio Fraguas cadrando coa celebración do seu vixésimo cabodano. A Fundación Antonio Fraguas Fraguas, o padroado do Museo do Pobo Galego e a Asociación do Traxe Galego realizaron unha ofrenda floral ante a súa sepultura. O presidente da Real Academia Galega, Víctor F. Freixanes, participou no acto en representación da institución.

Pilar Astray, presidenta da Asociación do Traxe Galego, intervén na homenaxe. Autor: C. González


No acto tomaron a palabra o presidente do padroado do Museo do Pobo Galego, Justo Beramendi; a presidenta da Asociación do Traxe Galego, Pilar Astray; Avelino Martínez, sobriño do homenaxeado; e o presidente da RAG. Víctor F. Freixanes salientou que Antonio Fraguas segue vivo "na memoria de todos nós" tanto pola obra que deixou como polas súas calidades humanas. Este recordo, engadiu, intensificouse neste 2019 con motivo do Día das Letras Galegas que a Academia lle dedicou. Por último, o presidente da RAG agradeceulles aos organizadores da homenaxe todo o traballo realizado durante este ano para divulgar o legado de Antonio Fraguas.

Dicionario
Axenda de actos Ver todos
Xoves 8 de outubro de 2020 / 19:00 h
Simposio Ricardo Carballo Calero - Ricardo Carballo Calero no seu tempo
Xoves 15 de outubro de 2020 / 19:00 h
Simposio Ricardo Carballo Calero - Estudos sobre literatura
Xoves 22 de outubro de 2020 / 19:00 h
Simposio Ricardo Carballo Calero - Creación literaria
Xoves 29 de outubro de 2020 / 19:00 h
Simposio Ricardo Carballo Calero - Ideas e achegas ao idioma
Sábado 7 de novembro de 2020 / 9:45 h
V Xornada de Onomástica Galega: Os nomes comerciais - Museo de Pontevedra

Novas da Academia

Subscríbete