A revista 'Murguía' achégase á Biblioteca da RAG a través da Rede

"Sen dúbida, a Biblioteca da RAG é a mellor biblioteca para o estudo das letras galegas no século XIX, con monografías e publicacións periódicas, constituíndo unha gran biblioteca virtual galega". Así o salienta o artigo, asinado por Pedro Incio, que a revista Murguía lle dedica á Biblioteca da Academia desde a perspectiva das chamadas humanidades dixitais. O autor analiza a historia da dixitalización de fondos, examina a oferta a través da páxina web academia.gal e realiza tamén suxestións.
Cuberta do número 32 de Murguía. Revista
Galega de Historia
.

Para a redacción do artigo, publicado na sección Museos e Arquivos do número 32 de Murguía. Revista Galega de Historia, Pedro Incio tamén se entrevistou con técnicos da Academia e consultou os informes anuais publicados no Boletín da Real Academia Galega. O texto empeza cun breve repaso á historia da Biblioteca, fundada en 1905 -con César Vaamonde Lores como primeiro arquiveiro-bibliotecario- e que a día de hoxe conta cun fondo de máis de 60.000 volumes, para logo profundar na dimensión dixital.

O autor recorda que a informatización da Biblioteca comezou en 1991 coa elaboración dos seus catálogos a partir de normais internacionais, mentres que a biblioteca dixital en sentido estrito empezou a existir en 2003 coa dixitalización de parte do fondo galego, a través dun convenio coa Fundación Barrié.

En 2009 o proceso de dixitalización recibiu un novo pulo coa incorporación de 811 monografías e 56 revista, a través dun convenio coa Cidade da Cultura, e do Boletín da Real Academia Galega (de 1906 a 1980) e da colección de documentos históricos, cunha axuda do Ministerio de Cultura. Na actualidade, todos os números do Boletín poden consultarse en academia.gal, onde tamén están dispoñibles en versión dixital publicacións periódicas e 120.000 páxinas de monografías do século XIX. "A RAG achega, deste xeito, unha ferramenta fundamental para o estudo da nosa historia e da nosa cultura ao longo do século XIX", indica Pedro Incio.

O autor considera ademais que a páxina web da Biblioteca fai "un bo uso das posibilidades que ofrece a Rede" para informar non só das coleccións dixitais, senón tamén da súa historia.

Dicionario
Axenda de actos Ver todos
Xoves 21 de marzo de 2019 / 19:30 h
Homenaxe da RAG a Salvador García-Bodaño no Día da Poesía
Martes 26 de marzo de 2019 / 19:30 h
Comba Campoi e Manuel Lorenzo falan sobre os monicreques de Barriga Verde
Sábado 6 de abril de 2019 / 12:00 h
Pleno extraordinario de recepción como académica de Ana Romaní - Noia

Novas da Academia

Subscríbete

Cursos de Verán 2019


Toda a información
nesta páxina

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 378

Boletín da Real Academia Galega
nº 378

Consultar

Cadernos de Lingua
nº 36

Consultar