A Academia recibe a visita do arcebispo Julián Barrio

A Real Academia Galega recibiu en visita institucional o arcebispo de Santiago, que quixo aproveitar a ocasión para recoñecer o "esforzo de dignidade e prestixio cara á lingua e os seus falantes que os académicos realizan día a día". Julián Barrio foi recibido polo presidente da institución, Víctor F. Freixanes, quen lles amosou ao arcebispo e aos seus acompañantes a biblioteca, o arquivo da RAG e a Casa-Museo Emilia Pardo Bazán, e agradeceu o seu interese polo labor da Academia e polo patrimonio que custodia.

O arcebispo Julián Barrio e o presidente Víctor F. Freixanes na Academia. Fonte: RAG


Julián Barrio visitou a Academia acompañado do vicechanceler secretario da arquidiocese de Santiago, Manuel Jesús Formoso, e o párroco da cidade vella da Coruña, Andrés García Vilariño. O arcebispo asinou no libro de honra da institución e dedicou á RAG un discurso no que define a palabra como "unha realidade marabillosa" e salienta as achegas de relixiosos como López Ferreiro, o arcebispo Lago, o padre Sarmiento ou Saco Arce á cultura e ao estudo da lingua galega.

"Algúns pensan que somos os seres humanos quen fixemos a palabra. Prefiro a opinión de quen cre que é a palabra a que nos creou a nós como seres intelixentes e libres. Ao principio era a Palabra. En todo caso o poder da palabra é inmenso. A linguaxe é un instrumento para o avance e a clarificación do pensamento", expón.

O discurso completo de Julián Barrio na RAG pode lerse nesta ligazón.

Dicionario

Novas da Academia

Subscríbete

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 378

Boletín da Real Academia Galega
nº 378

Consultar

Cadernos de Lingua
nº 36

Consultar