A Academia celebra o maxisterio de Antonio Fraguas na procura da memoria colectiva

17/05/19 |
O pleno do Día das Letras Galegas tivo lugar ao pé da escola de Famelga, no Cotobade natal de Fraguas. A homenaxe ao etnógrafo e académico reivindica o seu legado e as raíces da cultura e da lingua galegas que tanto estudou

Presentación da curtametraxe documental 'Amantes da Terra'

16/05/19 |
O vídeo, dispoñible na Rede, ofrece unha aproximación á figura de Antonio Fraguas a través de distintos testemuños. Amparo Rodríguez, veciña e amiga de Cotobade, recórdao de novo recollendo as coplas que cantaban as mozas

Diálogo en Vigo sobre don Antonio de Insuela

16/05/19 |
Víctor F. Freixanes participou nun encontro do Club Faro sobre o autor ao que a Academia dedica este 17 de maio. O presidente compartiu mesa redonda co editor Manuel Bragado e Malores Villanueva e Héctor Cajaraville, biógrafos de Fraguas

"Fraguas tiña claro que o Museo do Pobo Galego debía contribuír a normalizar a presenza da tradición na evolución cultural de Galicia"

15/05/19 |
Mª Xosé Fernández Cerviño traballou a carón de don Antonio dúas décadas. “El e mais Xocas eran conscientes de que portaban unha tradición que non debía morrer con eles, non concibían o museo como un arquivo de cousas antigas”, salienta a autora da biografía para La Voz de Galicia presentada na RAG

As Letras Galegas, sobre o papel e en versión dixital

14/05/19 |
A vida e a obra de Antonio Fraguas enche estes días andeis das librarías do país con títulos para todas as idades. A Rede é tamén un novo escaparate para difundir publicacións do protagonista deste 17 de maio

Antonio Fraguas, a primeira voz da radio en Galicia (e en galego)

14/05/19 |
A voz do daquela profesor auxiliar da Universidade de Santiago foi a primeira que se escoitou na historia da radiodifusión de Galicia. Fraguas escolleu aquel 15 de xaneiro de 1933 uns versos de Bouza Brey para inaugurar, desde San Domingos de Bonaval, as emisión de Radio Galicia

'Canta, miña pedra, canta' achega as cantigas de Cotobade e a figura de Fraguas á infancia

14/05/19 |
Galaxia publica o libro-cedé de Xoán Curiel, ilustrado por Nuria Díaz, con cancións que beben das coplas populares recollidas polo etnógrafo na terra onde naceu. A música tradicional fíao todo pero tamén hai espazo para outros ritmos

A RAG achega os adolescentes á escrita literaria no marco do Festiletras

13/05/19 |
O presidente, Víctor F. Freixanes, e a académica Fina Casalderrey compartiron cos mozos e mozas do IES Eduardo Pondal de Ponteceso claves para elaborar textos literarios. Os obradoiros impartíronse no festival organizado pola Fundación Eduardo Pondal

O IES de Cotobade constitúe unha nova Sociedade da Lingua para defender o futuro do idioma

13/05/19 |
O instituto do concello onde naceu o protagonista do Día das Letras Galegas recorda a iniciativa que este impulsara en 1924 cos seus compañeiros de bacharelato e anima as familias a transmitirlles aos fillos e fillas o idioma propio

Exalumnos de Fraguas visibilizan o legado do seu paso por Lugo

13/05/19 |
Unha páxina web, un libro e unha exposición itinerante recordan os nove anos que viviu, na década dos 50, nesta cidade. O proxecto recolle testemuños de amigos do profesor e de antigos estudantes do antigo Instituto Masculino, o actual IES Lucus Augusti
Dicionario

Novas da Academia

Subscríbete

Cursos de Verán 2019


Toda a información
nesta páxina

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 378

Boletín da Real Academia Galega
nº 378

Consultar

Cadernos de Lingua
nº 36

Consultar