Todo listo para celebrar o Día das Letras Galegas

O Concello de Pontevedra quixo abrir os festexos do Día das Letras Galegas na véspera do 17 de maio cunha recepción no Café Moderno Afundación na que participou o presidente da Real Academia Galega. A institución celebra este xoves no Teatro Principal da cidade, a partir das 12:30 horas, a sesión pública e extraordinaria dedicada a María Victoria Moreno. Marilar Aleixandre, Fina Casalderrey e Xesús Alonso Montero achegarán distintas olladas á vida e á obra da autora.

O alcalde, Miguel Anxo Fernández Lores, deulles a benvida á cidade aos membros da Real Academia Galega e do Consello da Cultura Galega, momentos antes do inicio do Concerto das Letras Galegas, organizado por esta institución. O programa foi interpretado pola Real Filharmonía de Galicia no auditorio en Pontevedra de Afundación.

O presidente da Real Academia Galega, Víctor F. Freixanes, agradeceulle ao Concello de Pontevedra a colaboración e xenerosidade da entidade local na celebración do Día das Letras Galegas dedicado a María Victora Moreno, que foi veciña desta cidade desde que chegou a Galicia en 1963. Xunto ao alcalde, tamén tomaron a palabra o presidente do Consello da Cultura Galega, Ramón Villares, e o director de Afundación, Miguel Ángel Escotet.

Dicionario

Novas da Academia

Subscríbete

Cursos de Verán


Toda a información
nesta páxina

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 377

Boletín da Real Academia Galega
nº 377

Descargar

Cadernos de Lingua
nº 36

Descargar