Rosario Álvarez, elixida presidenta do Consello da Cultura Galega

Rosario Álvarez foi elixida onte presidenta do Consello da Cultura Galega. A catedrática de Filoloxía Galega da Universidade de Santiago de Compostela, membro de número da Real Academia Galega desde 2003, sucede no posto o tamén académico Ramón Villares.
Rosario Álvarez. Autor: X. Castro

O pleno do Consello da Cultura Galega votou favorablemente a candidatura de Rosario Álvarez, a única presentada tras a finalización do mandato do catedrático de Historia Contemporánea da USC, segundo informou a propia institución, onde a nova presidenta xa ocupaba a vicepresidencia desde 2010. Rosario Álvarez (Pontevedra, 1952) definiu o seu proxecto como de "continuidade, non continuísmo" e como unha etapa con "novo pulo, novos retos e novos modos".

A académica ocupou distintos postos de responsabilidade ao longo da súa carreira. Foi vicerreitora de profesorado da USC e directora do Departamento de Filoloxía Galega e do Instituto da Lingua Galega da mesma universidade, e como membro da RAG foi tesoureira entre 2013 e 2017. No eido investigador, os seus traballos céntranse na gramática descritiva da lingua galega, no cambio lingüístico e na edición de textos do galego medio e da etapa previa ao Rexurdimento.

Dicionario
Axenda de actos Ver todos
Sábado 20 de outubro de 2018 / 9:30 h
III Xornada de Onomástica Galega: Os alcumes
Martes 23 de outubro de 2018 / 19:00 h
Conferencia de Carlos Núñez: O éxito da "marca celta" e a súa profundidade
Mércores 24 de outubro de 2018 / 19:00 h
Presentación do novo número da revista da Casa-Museo Emilia Pardo Bazán
Martes 27 de novembro de 2018 / 16:30 h
Simposio María Victoria Moreno
Mércores 28 de novembro de 2018 / 16:30 h
Simposio María Victoria Moreno

Novas da Academia

Subscríbete

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 378

Boletín da Real Academia Galega
nº 378

Consultar

Cadernos de Lingua
nº 36

Consultar