O XII Congreso da AIEG presentará achegas duns 200 investigadores de distintos países

A Asociación Internacional de Estudos Galegos celebra do 10 ao 15 de setembro en Madrid o seu XII congreso, onde preto de 200 investigadores e investigadoras de distintas partes do mundo presentarán traballos sobre a lingua, a cultura e a historia de Galicia. O programa ofrece achegas de especialistas consolidados xunto a contributos das novas xeracións investigadoras e inclúe estudos interdisciplinares e propostas innovadoras baixo o título "Novos horizontes para unha Galicia global: redes, territorio e memoria". O presidente da Real Academia Galega, Víctor F. Freixanes, inaugurará o vindeiro luns na Casa de Galicia uns encontros nos que a institución tamén participa con dous relatorios, sobre toponimia e sociolingüística, e a coorganización dunha mesa redonda sobre redes. O académico Xesús Alonso Montero pechará o programa.
Cartel do congreso

As investigacións sobre transculturalidade, migración ou patrimonio experimentaron un importante auxe nos últimos anos, un emerxer na procura de novas perspectivas de análise e comprensión da realidade ante o que os estudos galegos non permanecen alleos. O XII Congreso Internacional da AIEG dará boa conta desta evolución nun programa que ao longo da vindeira semana abordará múltiples olladas á lingua, a cultura e a historia galegas, desde as ferramentas para o estudo dos textos galegos da Idade Moderna ou Galicia na historiografía arábe, ata análises da obra de escritores actuais como Pedro Feijoo ou Diego Ameixeiras ou a identidade cultural da diáspora galega en Londres na contemporaniedade.

O presidente da Real Academia Galega, Víctor F. Freixanes, pronunciará o luns 10 de setembro a conferencia inaugural. Ese mesmo día, a institución tamén participará no programa con dous relatorios. Vicente Feijoo, membro do Seminario de Onomástica, exporá o titulado "Toponimia galega: símbolo da nosa memoria colectiva. O patrimonio cultural inmaterial vencellado ás TIC" e Lidia Gómez, colaboradora do Seminario de Sociolingüística, "O desprazamento lingüístico na xeración posmilenarista: o papel da familia".

Dentro da xornada do martes 11 de setembro, a Academia coorganiza a mesa redonda sobre redes, coordinada pola académica correspondente Olivia Rodríguez, quen acompañará nesta cita a tamén académica correspondente e profesora da Universidade de Buenos Aires Débora Campos, o académico correspondente e catedrático da USC Jorge Mira, a actriz Mabel Rivera e o músico Carlos Núñez. O diálogo terá lugar tras a conferencia do gaiteiro sobre o éxito da "marca celta" para a cultura galega.

Os estranxeirismos no Dicionario da RAG serán ademais o tema do relatorio que impartirá o venres 14 a profesora da Universidade da Coruña e académica correspondente María Dolores Sánchez Palomino, membro do Seminario de Lexicografía e redactora desta ferramenta.

Dicionario
Axenda de actos Ver todos
Venres 16 de novembro de 2018 / 20:00 h
Charla da campaña Toponimízate en Moaña
Mércores 21 de novembro de 2018 / 16:30 h
Charla da campaña Toponimízate en Miño
Venres 23 de novembro de 2018 / 17:30 h
Charla da campaña Toponimízate en Parada de Sil
Martes 27 de novembro de 2018 / 13:00 h
'Toponimízate' chega a Cospeito
Martes 27 de novembro de 2018 / 16:30 h
Simposio María Victoria Moreno
Mércores 28 de novembro de 2018 / 16:30 h
Simposio María Victoria Moreno
Venres 30 de novembro de 2018 / 19:00 h
Charla da campaña Toponimízate en Cariño

Novas da Academia

Subscríbete

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 378

Boletín da Real Academia Galega
nº 378

Consultar

Cadernos de Lingua
nº 36

Consultar