O Premio Nacional de Periodismo Cultural 2018 recoñece a traxectoria de Ana Romaní

A académica electa Ana Romaní acaba de ser recoñecida co Premio Nacional de Periodismo Cultural 2018 en recoñecemento á súa "longa traxectoria no xornalismo, o seu constante traballo de promoción da cultura e da radio con formatos propios", así como a súa "visión de feminismo crítico e compromiso social". 

O galardón que concede o Ministerio de Cultura e Deporte recoñece o labor de profesionais do xornalismo que fomentan as actividades culturais e contribúen así, ben a través da súas obras, ben a través da participación activa en distintos ámbitos da creación artística ou literaria, "ao enriquecemento do patrimonio cultural de España", salienta o departamento nun comunicado.

Ana Romaní (Noia, 1962) suma este premio a unha longa lista de recoñecementos anteriores polo seu traballo xornalístico á fronte do Diario Cultural da Radio Galega, pero a académica electa é tamén unha voz de referencia da poesía galega contemporánea. Elixida académica o pasado mes de marzo, tomará proximamente posesión do seu posto como membro de número da Academia ocupando a cadeira vacante producida polo pasamento de Xohana Torres.

Dicionario
Axenda de actos Ver todos
Sábado 20 de outubro de 2018 / 9:30 h
III Xornada de Onomástica Galega: Os alcumes
Martes 23 de outubro de 2018 / 19:00 h
Conferencia de Carlos Núñez: O éxito da "marca celta" e a súa profundidade
Mércores 24 de outubro de 2018 / 19:00 h
Presentación do novo número da revista da Casa-Museo Emilia Pardo Bazán
Martes 27 de novembro de 2018 / 16:30 h
Simposio María Victoria Moreno
Mércores 28 de novembro de 2018 / 16:30 h
Simposio María Victoria Moreno

Novas da Academia

Subscríbete

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 378

Boletín da Real Academia Galega
nº 378

Consultar

Cadernos de Lingua
nº 36

Consultar