O Museo do Pobo Galego lembra a Carlos García Martínez

O Museo do Pobo Galego rendeulle homenaxe a Carlos García Martínez a pasada fin de semana, cadrando co 41 aniversario da inauguración desta emblemática institución cultural, que dirixiu desde 1999 ata o seu pasamento o pasado 17 de marzo. O historiador era membro correspondente da Real Academia Galega desde 1972.

O presidente da Real Academia Galega, Víctor F. Freixanes, no centro da imaxe, durante a homenaxe a Carlos García Martínez. Fonte: Tino Viz / Museo do Pobo Galego


O presidente da Real Academia Galega, Víctor F. Freixanes, participou na homenaxe que encheu o auditorio do Museo do Pobo Galego de colaboradores e amizades de Carlos García Martínez. María Xosé Fernández conduciu o encontro e Miro Casabella encargouse da parte musical.

Os intervenientes coincidiron en destacar o compromiso coa cultura e a identidade galegas que sempre demostrou Carlos García e o seu importante papel á fronte do Museo do Pobo Galego. Entre outros, tomaron a palabra o presidente do padroado do museo, Justo Beramendi; a vicepresidenta, Concha Losada; a historiadora Encarna Otero; o alcalde de Santiago, Martiño Noriega; e Carlos A. García Pose, en representación da familia.

Dicionario

Novas da Academia

Subscríbete

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 378

Boletín da Real Academia Galega
nº 378

Consultar

Cadernos de Lingua
nº 36

Consultar