O II Premio Morales ábrese a Sanabria

Máis dun milleiro de alumnas e alumnos poderán participar na segunda edición do Premio Morales. O galardón, que naceu co propósito de promocionar o galego no Bierzo e a figura de Antonio Fernández Morales, o precursor do Rexurdimento natural desta comarca, ábrese este ano á participación de Sanabria. A Real Academia Galega participa nesta iniciativa, que nesta ocasión estará dedicada á tradición do fiandón, que retratou Morales nun dos seus poemas.
Participantes na presentación do II Premio Morales


O Premio Morales lévase a cabo grazas á colaboración do Consello Comarcal do Bierzo, o Instituto de Estudos Bercianos, a Real Academia Galega, Edicións Positivas, o Grupo As Médulas para a Lingua e Cultura galegas do Bierzo, o Concello de Lubián, o Concello de Corullón e os goberno de Galicia e Castela e León. A nova edición foi presentada onte no Concello de Vilafranca, no transcurso da  XI Xornada Martín Sarmiento, nun acto no que interveu en nome da RAG o académico correspondente Héctor Silveiro, quen lembrou que o galardón se xestou durante as celebracións do bicentenario de Antonio Fernández Morales.

As bases do II Premio Morales, dispoñibles nesta ligazón, establecen tres categorías. Á infantil poderá concorrer ata o 15 de outubro de 2019 calquera alumna ou alumno de educación infantil e primaria adscrito ao Programa para a promoción do idioma galego no Bierzo e Sanabria que presente un debuxo inspirado no poema "O fiandón da aldea" de Antonio Fernández Morales. A categoría para alumnos e alumnas de secundaria e bacharelato do mesmo programa premiará textos de creación literaria inspirados na mesma obra e unha terceira categoría, os textos presentados polo alumnado de galego e portugués da Escola Oficial de Idiomas de Ponferrada ou por calquera persoa maior de idade do Bierzo e de Sanabria.

Dicionario
Axenda de actos Ver todos
Xoves 21 de marzo de 2019 / 19:30 h
Homenaxe da RAG a Salvador García-Bodaño no Día da Poesía

Novas da Academia

Subscríbete

Cursos de Verán 2019


Toda a información
nesta páxina

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 378

Boletín da Real Academia Galega
nº 378

Consultar

Cadernos de Lingua
nº 36

Consultar