Nace o Premio Morales para a Promoción do Galego no Bierzo

O Grupo As Médulas para a Lingua e Cultura galegas no Bierzo e Edicións Positivas impulsaron a creación do Premio Morales para a Promoción da Lingua Galega no Bierzo. O novo galardón busca poñer en valor a figura de Antonio Fernández Morales e establece tres categorías abertas ao alumnado dos centros nos que se estuda galego nesta área galegofalante. A Real Academia Galega é unha das institucións que colabora nesta iniciativa.

Representantes das entidades organizadoras e colaboradoras no I Premio Morales para a Promoción do Galego no Bierzo


O Premio Morales para a Promoción do Galego no Bierzo. Tras os pasos de Morales: Os magostos convocouse no marco da X Xornada Martín Sarmiento. A cita, organizada pola Comisión Cultural Martín Sarmiento en colaboración coa Xunta de Galicia e a Xunta de Castela e León, celebrouse o pasado venres en Vilafranca do Bierzo cadrando co Día do Galego no Bierzo, unha cita na que participaron máis de 1.100 escolares. A RAG estivo representada na presentación do certame polo académico correspondente e coordinador da Comisión Cultural Martín Sarmiento Héctor Silveiro.

A este premio poderán concorrer os alumnos e alumnas dos 19 centros de ensino de galego que existen en León e Zamora, que abranguen desde as etapas de infantil e primaria ata a secundaria e o ensino no marco da Escola Oficial de Idiomas de Ponferrada (EOI). Os pequenos e pequenas de infantil e primaria participarán no concurso con debuxos que interpreten o poema "Os magostos" de Fernández Morales. Na categoría aberta ao alumnado da ESO e bacharelato concursarase con contos, poemas ou pezas teatrais a partir dos mesmos versos. A terceira categoría fixa o mesmo tipo de creacións arredor deste poema para o alumnado da EOI de Ponferrada. Os debuxos e os textos poderán presentarse ata o vindeiro 21 de xuño segundo fixan as bases, dispoñibles nesta ligazón.

Esta previsto que o xurado faga público o nome das persoas gañadoras do premio o sábado 20 de outubro durante a celebración do magosto popular.

Con esta iniciativa, a Real Academia Galega volve apoiar a divulgación da figura de Antonio Fernández Morales, protagonista o pasado mes de setembro de tres xornadas coorganizadas pola institución, o Instituto de Estudios Bercianos (IEB) e a Comisión Cultural Martín Sarmiento co gallo do bicentenario do seu nacemento.

Dicionario
Axenda de actos Ver todos
Xoves 28 de xuño de 2018 / 19:30 h
Presentación - concerto: 'Padre Manuel Feijoo. Música da nosa terra'

Novas da Academia

Subscríbete

Cursos de Verán


Toda a información
nesta páxina

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 377

Boletín da Real Academia Galega
nº 377

Consultar

Cadernos de Lingua
nº 36

Consultar