Manuel González, premio Lois Peña Novo

O académico Manuel González González recollerá o vindeiro 28 de xuño no castelo de Soutomaior (Pontevedra) un dos tres premios Lois Peña Novo concedidos este ano pola fundación que leva o nome do intelectual vilalbés membro das Irmandades da Fala. O xurado recoñece así o "seu traballo de investigación científica e constantes achegas á riqueza do noso idioma".
Manuel González. Autor: X. Castro

Manuel González González, catedrático de Filoloxía Románica da Universidade de Santiago de Compostela, é coordinador do Seminario de Lexicografía da Real Academia Galega, coordinador científico do Centro Ramón Piñeiro para a Investigación en Humanidades e presidente da Asociación PuntoGal.

Os Premios Peña Novo creáronse para recoñecer o labor, tanto individual como colectivo, de persoas, entidades e empresas que traballan para que a lingua galega se consolide no eido das administracións públicas, na vida institucional de Galicia e na sociedade en xeral. Xunto a Manuel González González, a Fundación Lois Peña Novo premia tamén nesta vixésimo cuarta edición dos galardóns a escritora María Xosé Queizán Vila, en recoñecemento "a unha traxectoria vital de compromiso coa lingua e a cultura galegas", e o xurista Xesús Costas Abreu, "polo seu compromiso coa defensa da lingua galega no ámbito da administración local".

Dicionario

Novas da Academia

Subscríbete

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 378

Boletín da Real Academia Galega
nº 378

Consultar

Cadernos de Lingua
nº 36

Consultar