Crean o Premio María Victoria Moreno de Literatura Xuvenil

O Concello de Pontevedra e Urco Editora convocan o I Premio María Victoria Moreno de Literatura Xuvenil. O galardón pretende honrar a figura da escritora que será homenaxeada no Día das Letras Galegas 2018 e promover unha creación de calidade literaria para o público xuvenil, ao que a autora dedicou títulos emblemáticos das letras galegas como Anagnórise. O escrito inédito gañador, cunha extensión máxima de 250.000 caracteres, será publicado por Urco e recibirá 4.000 euros.

Imaxe do Salón do libro infantil e xuvenil de Pontevedra. No programa deste ano terá especial relevancia a figura de María Vicoria Moreno. Fonte: Salón do libro infantil e xuvenil de Pontevedra


O prazo de entrega dos textos que opten ao premio conclúe o vindeiro 28 de febreiro. O xurado estará composto por unha persoa representante da familia de María Victoria Moreno, outra en representación do Concello de Pontevedra, unha alumna ou alumno do IES Torrente Ballester de Pontevedra -o último no que María Victoria Moreno foi docente-, unha persoa especialista en literarura infantil e xuvenil e outra en nome de Urco Editora. A súa decisión farase pública durante a celebración do Salón do libro infantil e Xuvenil de Pontevedra, en cuxa páxina web poden consultarse as bases do premio.

O tema da edición de 2018 do Salón do libro infantil e xuvenil de Pontevedra é "Mulleres de conto". Preténdese así render unha "homenaxe merecida" ás mulleres que conforman o mundo da LIX e "promover unha lectura crítica e reflexiva, con perspectiva de xénero, ao mundo da creación literaria e plástica da LIX", explícase na páxina web do salón. Neste contexto, a figura de María Victoria Moreno, veciña da cidade, terá especial relevancia dentro das accións que se están a programar.

Dicionario
Axenda de actos Ver todos
Mércores 21 de novembro de 2018 / 16:30 h
Charla da campaña Toponimízate en Miño
Xoves 22 de novembro de 2018 / 13:00 h
Ourense: Exposición dos 150 anos da 'Gramática' de Saco Arce
Xoves 22 de novembro de 2018 / 16:30 h
Ourense: Homenaxe a Saco Arce. 150 aniversario da 'Gramática gallega'
Venres 23 de novembro de 2018 / 17:30 h
Charla da campaña Toponimízate en Parada de Sil
Martes 27 de novembro de 2018 / 13:00 h
'Toponimízate' chega a Cospeito
Martes 27 de novembro de 2018 / 16:30 h
Simposio María Victoria Moreno
Mércores 28 de novembro de 2018 / 16:30 h
Simposio María Victoria Moreno
Venres 30 de novembro de 2018 / 19:00 h
Charla da campaña Toponimízate en Cariño

Novas da Academia

Subscríbete

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 378

Boletín da Real Academia Galega
nº 378

Consultar

Cadernos de Lingua
nº 36

Consultar