As memorias inéditas dos primeiros anos de Neira Vilas verán a luz en abril

O labor de catalogación da obra de Xosé Neira Vilas(1928-2015) na fundación que preserva o seu legado permitiu atopar dúas obras inéditas que verán a luz postumanente entre este ano e o que vén. A primeira que sairá do prelo, o vindeiro mes de abril, titúlase De Gres a Cádiz, un volume de memorias que cobre a primeira etapa da súa vida, desde os anos no seu Gres natal (Vila de Cruces) ata a chegada a Cádiz, onde embarcou cara a América cando tiña 20 anos.
Xosé Neira Vilas

O volume será publicado na biblioteca de autor que Galaxia lle dedicou xa en vida ao escritor e académico. Baixo esta marca tamén se editará, xa en 2019, outra obra inédita de corte máis intimista, avanza a editorial.

De Gres a Cádiz está composto por "un ramallete de lembranzas, de prosas condensadas" que Xosé Neira Vilas comezou a escribir en xaneiro de 1996, conta el mesmo no limiar que deixou preparado para a edición. Recordos dunha parte da súa vida que, recoñece nestas páxinas, aborda con nostalxia e coa idea de "revelar, ao meu xeito, a Galicia aldeá de varias décadas atrás".

A edición desta crónica que permitirá completar a biografía do creador de Memorias dun neno labrego -a novela galega máis reeditada e traducida-, correrá a cargo da profesora da Universidade de Santiago de Compostela Dolores Vilavedra, quen seguiu de preto a xestación deste proxecto canda Xosé Neira Vilas, engade a a editorial.

Dicionario
Axenda de actos Ver todos
Xoves 17 de maio de 2018 / 12:30 h
Sesión pública do Día das Letras Galegas dedicado a María Victoria Moreno

Novas da Academia

Subscríbete

Cursos de Verán


Toda a información
nesta páxina

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 377

Boletín da Real Academia Galega
nº 377

Descargar

Cadernos de Lingua
nº 36

Descargar