A Casa–Museo Emilia Pardo Bazán celebra o Día Internacional dos Museos ata a medianoite

A Casa–Museo Emilia Pardo Bazán (rúa Tabernas, 11 – A Coruña) abrirá este venres as portas ata a medianoite co gallo do Día Internacional dos Museos. O público poderá participar nunha serie de actividades especiais, das 18 ás 24 horas, que abranguen diferentes artes e mergullarse na atmosfera do fogar da escritora na Coruña de finais do século XIX, que permanecerá na penumbra para ofrecer unha nova maneira de se achegar a un espazo museístico. A entrada é libre ata completar capacidade.

A programación especial arrincará ás seis da tarde cunha proposta pensada para os pequenos e pequenas da casa, o obradoiro de descubrimentos "Tic Tac Cluedo. Onde están as mulleres no Museo?", conducido por Neves Seara e concibido para nenos e nenas de 6 a 12 anos.

Unha vez conclúa o horario infantil, ás 19 horas o Conservatorio Profesional de Danza da Deputación da Coruña interpretará "Instantes", baile contemporáneo con coreografía de Armando Martén. Tamén a partir das 19 horas e ata a medianoite, proxectarase "A inquietude das cousas", unha intervención audiovisual da artista arxentina Romina Casile baseada na extracción de sons de elementos da esfera doméstica.

A Casa–Museo Emilia Pardo Bazán tamén lles dará cabida ás artes escénicas, en forma de microteatro e da man de Casa Hamlet. Baixo a dirección de Santiago Fernández, a partir das 20 horas e en quendas de 15 minutos, ofrecerá ata as 24 horas distintas representacións dramatizadas.

Dicionario
Axenda de actos Ver todos
Sábado 20 de outubro de 2018 / 9:30 h
III Xornada de Onomástica Galega: Os alcumes
Martes 23 de outubro de 2018 / 19:00 h
Conferencia de Carlos Núñez: O éxito da "marca celta" e a súa profundidade
Mércores 24 de outubro de 2018 / 19:00 h
Presentación do novo número da revista da Casa-Museo Emilia Pardo Bazán
Martes 27 de novembro de 2018 / 16:30 h
Simposio María Victoria Moreno
Mércores 28 de novembro de 2018 / 16:30 h
Simposio María Victoria Moreno

Novas da Academia

Subscríbete

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 378

Boletín da Real Academia Galega
nº 378

Consultar

Cadernos de Lingua
nº 36

Consultar