A asociación estadounidense de didáctica das ciencias distingue a Marilar Aleixandre

Para o gran público Marilar Aleixandre é coñecida sobre todo como escritora, pero tamén é unha autora de prestixio internacional polas súas contribucións á didáctica das ciencias. A académica, profesora ad honorem da Universidade de Santiago de Compostela, recollerá a finais de mes en Baltimore un novo recoñecemento por este labor, a máxima distinción que concede cada ano a asociación estadounidense de investigación en didáctica das ciencias, o galardón máis importante do mundo neste eido.

A National Association for Research in Science Teaching (NARST) distinguiu a Marilar Aleixandre co Premio á Contribución Sobresaliente á Investigación 2019, o que a converte na primeira persoa española e a quinta europea en recibilo. A asociación recoñece anualmente a traxectoria dunha figura que "por medio da investigación, durante un período extenso, fixo contribucións continuadas e sobresalientes, forneceu de notable liderado e tivo un impacto substancial na área de didáctica das ciencias". O galardón será entregado o 31 de marzo no congreso anual da NARTS, que se celebrará en Baltimore.

Entre as achegas de Marilar Aleixandre neste campo, salienta a súa condición de primeira autora dun dos artigos pioneiros na investigación sobre argumentación e uso de probas en ciencias, "Doing the lesson or doing science: Arguments in high school genetics". Publicado na revista Science Education no ano 2000, é o traballo científico máis citado de educación de autoría española.

Dicionario

Novas da Academia

Subscríbete

Cursos de Verán 2019


Toda a información
nesta páxina

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 378

Boletín da Real Academia Galega
nº 378

Consultar

Cadernos de Lingua
nº 36

Consultar