A Academia elixe o 7 de xullo a figura que será homenaxeada o Día das Letras de 2019

O Pleno da Real Academia Galega decidirá o sábado 7 de xullo quen será a personalidade homenaxeada o Día das Letras Galegas de 2019. Tras o peche do prazo establecido para a presentación de candidaturas, os membros de número da institución someterán a votación as dúas propostas rexistradas: Ricardo Carballo Calero (Ferrol, 1910 – Santiago de Compostela, 1990) e Antón Fraguas Fraguas (Cotobade, 1905 – Santiago de Compostela, 1999).

Pola esquerda, Ricardo Carballo Calero nunha imaxe do arquivo da RAG e Antón Fraguas retratado por Manuel Matas (imaxe cortesía do Museo do Pobo Galego)


No primeiro Plenario despois da celebración do Día das Letras Galegas, a corporación debe elixir a persoa a quen se lle dedica o seguinte 17 de maio. Así o establece o Regulamento de Réxime Interno da Real Academia, que indica que a figura homenaxeada debe ser "autora dunha obra relevante en galego e persoa de calidade cultural e humana que mereza propoñerse como exemplo á sociedade galega de hoxe". A normativa fixa igualmente que deben pasar polo menos dez anos entre a súa morte e a designación para ese día.

A Real Academia Galega creou o Día das Letras Galegas en 1963. Desde aquel ano, dedicado a Rosalía de Castro, esta festa da cultura de noso vénse desenvolvendo sen interrupcións e converteuse nunha celebración de referencia na que, alén dos actos académicos, participa a sociedade no seu conxunto con múltiples iniciativas por todo o país e a Galicia exterior.

Dicionario
Axenda de actos Ver todos
Venres 16 de novembro de 2018 / 20:00 h
Charla da campaña Toponimízate en Moaña
Mércores 21 de novembro de 2018 / 16:30 h
Charla da campaña Toponimízate en Miño
Xoves 22 de novembro de 2018 / 13:00 h
Ourense: Exposición dos 150 anos da 'Gramática' de Saco Arce
Xoves 22 de novembro de 2018 / 16:30 h
Ourense: Homenaxe a Saco Arce. 150 aniversario da 'Gramática gallega'
Venres 23 de novembro de 2018 / 17:30 h
Charla da campaña Toponimízate en Parada de Sil
Martes 27 de novembro de 2018 / 13:00 h
'Toponimízate' chega a Cospeito
Martes 27 de novembro de 2018 / 16:30 h
Simposio María Victoria Moreno
Mércores 28 de novembro de 2018 / 16:30 h
Simposio María Victoria Moreno
Venres 30 de novembro de 2018 / 19:00 h
Charla da campaña Toponimízate en Cariño

Novas da Academia

Subscríbete

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 378

Boletín da Real Academia Galega
nº 378

Consultar

Cadernos de Lingua
nº 36

Consultar