MANUEL MURGUÍA
257
clave da súa concepción da singularidade galega, de tal maneira que se pode afirmar que el foi o creador dunha identidade r a c i a l galega ?que ademais se convertía nun elemento esencial do seu ?paradigma galeguista??. Para Murguía era o compoñente racial dos galegos ?a súa pertenza á raza celta (á súa vez dentro do grupo privilexiado das razas arianas)? o que daba conta das características particulares que o pobo galego viñera manifestando dende as súas mesmas orixes: do seu físico, do seu modo de ser e de actuar e das súas produccións culturais (especialmente a lingua, os ?hábitos? e costumes). Dende os primeiros ?galegos? ?os celtas galaicos que loitaran contra os romanos para conservaren a súa independencia? ata a poboación actual podíase constatar a c o n t i n u i d a d e esencial que unía ás xeracións a través de séculos de historia. Continuidade que estaba xustificada e explicada polas afirmacións de Murguía a prol da permanencia dos trazos raciais. É neste punto onde hai que salientala súa utilización das teses antropolóxicas dun autor como William F. Edwards, como xa indicara máis arriba. Como axiña veremos, a influencia destas sobre Murguía (influencia i n t e re s a d a, por suposto) incluía tanto o nivel das premisas básicas como un nivel metodolóxico. Como xa ten salientado o historiador Claude Blanckaert, Edwards pode ser considerado o fundador dunha xenuína ?ciencia das razas? (ciencia que el denominaba ?etnoloxía?). O interese principal de Edwards era o de lograr dilucidala xenealoxía racial de cada pobo europeo, por riba das mesturas e movementos de poboacións que moitas veces dificultaban ese labor xenealóxico e clasificatorio (Blanckaert, 1988). Os seus esforzos centráronse principalmente na determinación racial da poboación francesa, da cal afirmou a orixe celta (gala) da maioría; confirmando así de maneira ?científica?, seguindo os principios da súa ?ciencia das razas?, algo que xa viña sendo anunciado dende o século XVI (Dubois, 1972; Dietler, 1994). Este médico e antropólogo partía da premisa básica da permanencia dos trazos raciais, tanto físicos como psicolóxicos, a diferencia doutros autores que destacaban a mutabilidade dos mesmos ó verse sometidas as razas a diversos axentes externos modificadores (acción do clima e da alimentación, cruzamentos, enfermidades, grao de civilización, etc.). Edwards, pola contra, teima