256
BOLETÍN DA REAL ACADEMIA GALEGA
des moi desiguais. Desigualdades que el ademais concibía como determinantes e permanentes ?de acordo cos seus presupostos de inmutabilidade racial?, ata o extremo de chegar a cuestionala unidade psíquica da humanidade ó negar calquera comparación posible entre as razas superiores e as inferiores (Murguía, 1888b: 140141). Desta maneira, e a pesar de manter unha posición m o n o x e n i s t a (considerando que todalas razas pertencían a unha única especie humana), Murguía presentaba humanidades diferentes personificadas en grupos raciais con cadansúa configuración física e mental, con aptitudes e con destinos ben distintos. É por todo isto polo que, dende unha perspectiva actual, Manuel Murguía merecería o apelativo de r a c i s t a7. Porque as diferencias e as desigualdades humanas eran para el o resultado da composición racial ?permanente? de cada grupo ou individuo. Por iso o seu etnocentrismo é de carácter racial e racista (o que facía superior a un pobo era a súa raza). Neste sentido, a súa ideoloxía liberal non era quen de borralas consecuencias teóricas do seu pensamento racial. Agora ben, isto non impide recoñecermos que o seu racismo era ?meramente? t e ó r i c o ?nunca foi empregado como unha chamada ó ?odio racial? contra aquelas razas que el consideraba inferiores ou antagonistas, ou como a necesaria inspiración dun programa político apoiado na discriminación racial?. Afortunadamente as súas expresións racistas e etnocéntricas quedaron sempre a nivel da simple retórica ?sen embargo cunha intencionalidade política evidente en moitos casos?. É verdade que a súa retórica racial tiña como finalidade última a creación dunha identidade propia (e positiva) para o pobo galego. Pero convén non perder de vista o feito de que para conseguir iso tiña a miúdo que recorrer á descualificación doutras xentes. Sobre esa finalidade falaremos de seguido. A IDENTIDADE RACIAL GALEGA É neste aspecto da súa obra onde aparecía con máis claridade a importancia e a funcionalidade da idea de raza. Porque Murguía, e a diferencia dos seus predecesores e coetáneos que non facían uso do factor racial ou nos que este tiña unha importancia secundaria ou pouco definida, vai facer da raza a peza