260
BOLETÍN DA REAL ACADEMIA GALEGA
racial celtoario o que permitía ó pobo galego, ?raza fecunda y vivaz?, unha continua renovación e adaptación ós novos tempos, pero sempre incorporando e cinguindo as novidades á súa particular forma de ser (Murguía, 1888b: 117). Era a permanencia do aspecto físico, da lingua (o idioma galego, esencialmente celta pero con ?achegas? posteriores), das crenzas, dos costumes, do ?carácter? da raza, e incluso de certas institucións económicosociais (como a pequena propiedade ou os foros) o que actuaba como signos visibles da súa c e l t i c i d a d e e do seu ?eterno modo de ser?. Por suposto que Murguía xa partía da existencia disto que aparentemente pretendía demostrar. Neste caso a c i rc u l a r i d a d e da súa argumentación era exemplar e de evidente utilidade. Xa Ramón Máiz (1984) ten explicado perfectamente a utilidade e a importancia que ocupaba o factor racial na estratexia eruditoideolóxica seguida por Murguía. En primeiro lugar, a raza convertíase nun elemento central da súa definición de Galicia como nación, a carón doutros elementos o rg a n i c i s t a s (como a historia, a lingua, o territorio, o ?carácter?, os costumes) e por riba do factor voluntarista (a decisión do pobo galego de se constituír en nación e de actuar como tal). Pero ademais, para reforzar esa importancia, algúns deses elementos da súa definición nacionalitaria remitían en último termo á composición racial (celta) da poboación, como xa vimos de ver: a lingua, o ?carácter?, os costumes... viñan dados pola raza. En segundo lugar a raza permitía construír unha identidade galega de seu, estable e firme (e tamén inevitable), á vez que a xenealoxía celtoariana colocaba os galegos no grupo das razas superiores e facía extensible a eles o esperanzador futuro a aquelas destinado. Polo demais, debía crear un sentimento de ?solidariedade racial? entre toda a poboación galega, por riba da existencia de diferencias moi reais de clase, de ideoloxía e de cultura8. Eran os casteláns os que personificaban o personaxe adverso e o reflexo contrario da identidade galega ?actuando como ?outro? a quen botarlle as culpas dos problemas e dos agravios que sufrira e sufría Galicia, e como representación por medio da cal, mediante un xogo de oposicións básicas, se puidesen debuxalos trazos (bos) característicos dos galegos fronte á negatividade dos casteláns ?semitizados? (Máiz, 1984)?.