MANUEL MURGUÍA
259
figuración xeral do rostro, que resultaba ser un inequívoco signo externo do tipo racial ó que pertencía o individuo en cuestión. Este método de identificación racial, subxectivo e i m p resionista, apoiábase na presunción de que certos individuos presentaban de maneira máis pura ca outros as marcas características da raza (Blanckaert, 1988). Por iso era importante atopalas persoas axeitadas. Esa foi a metodoloxía da ?ciencia racial? de Edwards. E tamén foi o método seguido por Murguía para determinala diversa composición racial dos seus compatriotas. Porque a pesar de que a grande maioría da poboación galega era de raza celta aínda era posible ver, aquí e acolá, algúns descendentes dos colonos gregos e fenicios, ou dos invasores romanos e xermánicos. Era gracias ó ollo atento e ?experimentado? de Murguía que nos eran presentados os distintos ?espécimes? raciais observables nas terras galegas, despois de que el mesmo determinase a liñaxe racial de cada quen de acordo co saber e cos estere o t ip o s raciais do momento ?exemplos desta habelencia clasificatoria pódense atopar nos primeiros tomos da súa Historia de Galicia?. Xa que logo a aplicación ó caso galego dos presupostos raciais de Edwards permitíalle asentar sobre bases seguras, científicas, o factor racial esencial na súa definición da identidade galega. Sostendo a premisa de que esta dependía fundamentalmente do compoñente racial, e asegurando que este se conservara intacto no decurso da historia a pesar dos séculos e dos acontecementos transcorridos, garantíase a singularidade de Galicia e da comunidade do pobo galego dende o momento mesmo no que se impuxeran os alicerces da súa n a c i o n a l i d a d e ?coa chegada das primeiras tribos celtas ó territorio galego? ata o presente. Esa ?fatalidade de orixe? racial á que en ocasións se refería (Murguía, 1888b: 112) confirmaba que os galegos sempre foran iguais a si mesmos, a pesar das circunstancias cambiantes da súa existencia froito de novos contextos políticos e económicos. A incorporación de Galicia á esfera romana; a adopción do cristianismo; as invasións xermanas e a creación do reino suevo; o dominio visigodo; o poder castelán, etc., etc., non foran quen de mudala súa fisionomía especial. O que non quería dicir, porén, que os galegos ficasen estancados como aquelas razas salvaxes que aínda vivían na prehistoria. Todo o contrario. Era precisamente a permanencia do compoñente