258
BOLETÍN DA REAL ACADEMIA GALEGA
ba na fixeza racial (tamén visible para el na inmutabilidade das especies e razas de animais e plantas); e podía asegurar, por exemplo, que os caracteres físicos da maioría da poboación francesa seguían a ser exactamente os mesmos cós dos seus devanceiros galos. Para dar conta desta inmutabilidade racial invocaba a rareza de cruzamentos entre dous pobos estraños colocados nunha situación de contacto (as máis das veces debida a unha migración ou a unha invasión) ?rareza que, na súa opinión, viña causada pola existencia de barreiras físicas e culturais?; pero sobre todo afirmaba que os cruzamentos que tiñan lugar entre razas diferentes non daban como resultado unha descendencia m i x t a, que presentaba caracteres mesturados das dúas razas, senón que era a raza máis forte e/ou máis numerosa a que impoñía as súas características a esa descendencia. Estas premisas básicas de Edwards foron adoptadas por Murguía ?quen polo demais citaba varias veces as teses do antropólogo francés e a súa obra fundamental sobre as razas, Des caractères physiologiques des races humaines considérés dans leurs rapports avec l´histoire (1829)? como os alicerces encol dos cales erixila súa identidade racial para o pobo galego. Tamén Murguía tiña como finalidade clarexala xenealoxía racial dos galegos (e ?casualmente? tamén a achaba nos celtas). Tamén afirmaba con total convencemento a permanencia dos trazos raciais no decurso do tempo (e para iso invocaba a autoridade científica de Edwards; c f . Murguía, 1865: 208). E cando tiña que explicalas causas desa permanencia racial el apelaba explicitamente ó mecanismo formulado por Edwards verbo do predominio dos caracteres raciais da raza máis forte en caso de cruzamentos: como a celta foi sempre a raza dominante en Galicia, puido ?absorber? doadamente outros elementos étnicos presentes no territorio galego en diversos momentos da historia (Murguía, 1865: 213). Con todo, non negaba que na actualidade era aínda posible descubrir entre a poboación galega individuos que denotaban a existencia no país (porén minoritaria) de descendentes de razas diferentes á celta (gregos, fenicios, romanos, xermanos). No parecer de Edwards era posible determinala orixe racial de cada persoa mediante unha ollada atenta ós seus trazos faciais ?as formas da cabeza, ollos, boca, nariz, cabelo, etc.?, de tal xeito que fose posible aprehendela con