BOLETÍN DA REAL ACADEMIA GALEGA
José Fontenla Leal
o seu protagonismo cando a morte do poeta celanovés e mesmo con posterioridade. Así, pouco tempo despois (AIP 1912: 10) manifestaban que
Curros al morir, al desaparecer del mundo de los vivos en que tanto se le admiró, se le quiso, tuvo una postrer exclamación, fiel reflejo de su corazón y de su alma: ¡No abandoneis á la Academia! Eso sólo, ese poema póstumo del bardo insigne fuera bastante para obligarnos á enaltecer su memoria, si á ello ya no nos obligase el bagaje literario del poeta.
A actividade ?académica? de Fontenla Como xa vimos Fontenla desde o primeiro momento ocupou un posto de vocal na Directiva da Iniciadora, posto no que continuou despois da substitución de Curros polo Lic. Baños. Xa con este á fronte foi nomeado Presidente da Comisión de Propaganda que se constituíu en novembro de 1906 (GH 1906b). Entre os seus primeiros estivo o de ?publicar una cartacircular dirijida á nuestros conterráneos? (GH 1907a). Tratábase de informar e de pedir colaboración para a elaboración dun Album co fin de conseguir diñeiro coa súa venda destinado a saldar a débeda contraída con dous asociados (eran García Mon e Cándido Mugía) que adiantaran diñeiro para a constitución da Academia11. Non obstante, na seguinte directiva, tamén encabezada por Baños, deixará de figurar (GH 1907b). Volvería, con Barros como presidente en 1908 e continuaría ata 1910 en que, con García Mon, deixaría novamente o posto. Xa en 1911 volvería con García Mon e permanecería definitivamente nas directivas sucesivas (presididas por Jesús María Bouza, Veiga Gadea, Avelino Pérez e Juan José Roberes), sendo, entre 1913 e 1919, vicepresidente. Xa na última directiva, a de Roberes ?na que figuraba tamén o noso tíoavó Miguel Mauriz?, ocupou posto como vocal nato. Segundo o artigo 16f dos ?Estatutos? a Xunta Directiva podía nomear ?VOCALES NATOS a aquellos asociados que por sus relevantes méritos se hubiesen hecho dignos de este honor? (AIP 1905: 11), e Fontenla, sen dúbida, fixérase. Non obstante, houbo un momento, en 1911 en que, posiblemente molesto polo nomeamento como correspondente de Ramón Armada Sagrera, decidiu afastarse da Asociación. Isto é o que se desprende da correspondencia entre Jesús Peynó e Murguía. O 2 de xaneiro de 1912 Murguía escríbelle a Peynó (Neira Vilas 2000: 1434)
Veo por la suya q. existen desgraciadamente entre los que tanto aman á su país, diferencias, resquemores, contrariedades, doloroso todo, pero q. con un poco de buena voluntad, pueden apaciguarse y desvanecerse. Sabía que el Sr. Fontenla, persona hacia
Nº 362
226