MANUEL MURGUÍA
271
como Herder ou Wilhelm von Humboldt. Porén en Murguía o factor racial adquiría unha importancia que non se atopaba nos devanditos autores (mesmo incorporando certos elementos biolóxicos e chegando a establecer diferencias radicais entre os seres humanos)?. Outra coincidencia importante era o historicismo. Na opinión de Murguía a historia era ?mestra? do presente, ó fornecelas claves de interpretación do mesmo. Era ela a que nos daba a coñecela creación da nación galega, indicando as súas orixes, desenvolvemento e peculiaridades (por iso a historia era tamén un factor importante na definición nacionalitaria de Murguía). Os adherentes á ?tradición antropolóxica alemana? estaban convencidos tamén de que cada pobo, cada cultura, era producto da súa historia. Xa que logo cumpría coñecela para ter unha visión completa e real dunha sociedade humana e da súa especificidade. Por mor dunha historia particular cada grupo humano era algo especial e único. E así era tamén Galicia. Ademais ese enfoque antropolóxico imaxinaba o proceso histórico configurador da identidade particular como unha continua interacción entre o desenvolvemento interno e peculiar do grupo en cuestión e as achegas exteriores, as cales, ademais de estableceren novas pautas culturais, eran constantemente adaptadas e reformuladas á singularidade daquel. Igualmente Murguía vía a historia galega como un eido no que os celtas galegos se adaptaban a novas circunstancias (á difusión de novas realidades políticas, económicas, sociais e ideolóxicas) á vez que adaptaban estas ó seu ?eterno modo de ser?. Non obstante no caso de Murguía esa proposición que facía da historia a configuradora dun pobo quedaba un tanto esvaída na súa obra, como resultado da preponderancia do factor racial considerado como fornecedor dunha identidade permanente e inmutable (Máiz, 1997). En efecto, se era a raza o que dende un principio determinaba as pautas do ?ser? de cada pobo, daquela tódolos acontecementos históricos posteriores pouca ou ningunha influencia poderían ter na súa configuración. Quizais algún influxo que afectase ás formas extern a s, pero nada que puidese afectar ás disposicións internas e s e n c i a i s: por exemplo, o respecto polos devanceiros e polos mortos manifestábase igualmente entre os celtas galaicos que erixiran as mámoas para soterraren e lembraren os seus defuntos, como nos rituais funerarios tinguidos de cris