Eladio Rodríguez González
BOLETÍN DA REAL ACADEMIA GALEGA
en sesión extraordinaria pública, o día 27 de xullo de 1941, no paraninfo da Universidade de Santiago. Previamente, en Bonaval, ante os sartegos de Rosalía e de Brañas, celébrase unha misa, oficiada por Samuel Eiján. Trasladada a comitiva á Universidade, presiden o acto o rector, Carlos Ruiz del Castillo, o arcebispo de Compostela, Tomás Muñiz Pablos, e o presidente da Academia, Manuel Casás Fernández. Tamén asisten o alcalde da cidade, marqués de Figueroa; o delegado comarcal de F.E.T. y de las JONS e secretario da Universidade, Luis Legaz Lacambra; o comandante militar da praza, Francisco Judel Peón; o abade mitrado de Samos, xuíces de primeira instancia e municipal, deputados provinciais, cóengos, catedráticos, concelleiros, membros dos corpos da gornición e outras delegacións civís e militares. O secretario da Academia, Alejandro Barreiro, dá lectura á Memoria, na que se resalta o labor fecundo da Academia durante os seus trinta e seis anos de vida, consagrados por enteiro a glorificar o nome de Galicia dentro dun puro culto a España, e a importancia desta sesión, adhesión solemne da Academia ós postulados do novo Estado. Seguidamente entran ó estrado os dezaoito novos académicos (Rafael González Villar falecera antes desta data). Fala, en representación de todos, Fermín BouzaBrey, quen saúda á Academia en nome dos recipiendarios, lendo a seguir o discurso titulado La mitología del agua en el Noroeste hispánico80. Este traballo é gabado pola prensa como de ?excelente corte literario, con bellezas del idioma castellano y recopilación documentadísima de cuanto se relaciona con el folklore?. Contesta, en nome da corporación, o presidente Casás, quen se refire á liña de conducta seguida pola Academia Galega, unida sempre nun amor íntegro a España; lembra que gobernos anteriores lle impediron usar o título de ?Real?; alude á necesidade dun auxilio económico para que a Academia continúe os seus traballos, que redundarán en beneficio, particularmente, das investigacións históricas, artísticas, científicas e arqueolóxicas, e une os votos de todos pola grandeza e a gloria de España, terminando con palabras de gratitude e de expresivo sentido patriótico dirixidas ó ministro de Educación Nacional, representado polo rector Ruiz del Castillo. A seguir procédese á imposición simbólica das medallas na persoa de Fermín BouzaBrey. Clausura o acto o rector, quen ?expresa la importancia de una labor unificada, ya que en esta unión es como, en todos los aspectos, nos hemos de salvar con la ayuda de Dios?. Unha salva de aplausos subliñou as palabras do rector Ruiz del Castillo81. A penas dez días antes, en concreto o 18 de xullo de 1941, César Vaamonde Lores, bibliotecario da Academia, escribe ó que había de desempeñar un papel central na sesión que acabamos de referir, a Fermín BouzaBrey, quen lle solicitara copia dalgúns documentos. Na carta, César Vaamonde Lores, que se mostra por completo á marxe do acto que se prepara, fai unha sorte de confesión xeral sobre as súas obras, libros e papeis, sobre o Diccionario e o futuro da Academia:
Como no sé si se lo dije alguna vez, me pasé casi toda mi vida escribiendo. Poco para
43
Nº 362