266
BOLETÍN DA REAL ACADEMIA GALEGA
tantos outros aspectos da súa actividade erudita, os seus intereses etnográficos tiñan un carácter eminentemente ?utilitarista? ó servicio dese ?paradigma galeguista? determinante. Pero antes de comezar con isto cómpre dicir primeiro unhas palabras sobre os termos usados por Murguía. A pesar de que eu emprego aquí a denominación de ?cultura popular? para designalas crenzas e os actos, o modo de vida en xeral, das camadas rurais da sociedade galega, eses non eran os termos de Murguía. Basicamente por que para el a verba ?cultura? non gardaba o mesmo significado que ten hoxe na literatura antropolóxica ?as pautas de pensamento e de comportamento que dirixen a existencia dun determinado grupo humano, manifestadas nas múltiples expresións da súa actividade vital. Nos escritos do autor coruñés ?cultura? (ou ?civilización?) era utilizado fundamentalmente como sinónimo de ?ilustración?, do cultivo intelectual acadado por unha sociedade e manifestado a través das súas artes, ciencias, literatura ou pensamento. Só nalgunhas ocasións era posible albiscar nalgunhas das súas expresións un certo achegamento a ese uso antropolóxico actual ?por máis que moitas veces sexa difícil determinar con toda seguridade o seu significado (ou significados) concreto (c f . Pereira González, no prelo). De tódolos xeitos, cando Murguía se refería a iso que hoxe en día denominamos ?cultura popular? el usaba expresións como ?usos?, ? c o st u m b res?, ?hábitos? ou ? c re e n c i a s ?, sen que aplicase unha definición global que abranguese tódolos fenómenos e produccións da sociedade rural galega. Volvendo agora ás premisas do seu labor etnográfico, resulta evidente en primeiro lugar que este formaba parte do seu proxecto de dotalo país dunha personalidade propia. Neste contexto cómpre entendérmolas dúas premisas esenciais que marcaban o seu traballo sobre a ?cultura popular? galega. A primeira estipulaba que na sociedade rural era onde se conservaban con meirande intensidade, máis ou menos intactas, as tradicións e as esencias do verdadeiro ?ser? de Galicia. E a segunda que era precisamente a través desa ?cultura popular? ?a través da literatura popular ou das diversas ? c o s t u m b res? e ? c re e ncias? recollidas entre a poboación rural? que aparecía con toda claridade o ?carácter? singular e inequívoco do pobo galego ??carácter? singular que estaba debido ás tendencias innatas da raza celta (Murguía, 1881)?. Porque se o mundo rural era o ?gardián? das tradicións inmorredoiras era porque os labre