MANUEL MURGUÍA
265
zación empregaban con frecuencia o argumento ?civilizador?. Ademais coincidía cos presupostos raciais de entón que dividían a humanidade entre razas superiores e progresivas e razas inferiores e atrasadas ?presupostos que xa vimos compartía o noso autor?. Esa interpretación difusionista e invasionista do progreso que subscribía Murguía concordaba ademais coa súa visión do poboamento de Galicia polos celtas. Seguindo as teorías do antropólogo sueco Anders Retzius (de grande influencia durante as décadas de 1860 e 1870; c f . Blanckaert, 1989) Murguía imaxinaba unha Europa prearia habitada por razas inferiores de orixe asiática que non coñecían os metais e vivían da caza e da pesca9. Coa chegada dos arios de raza superior, entre eles os celtas, que traían consigo unha civilización elevada ?que incluía o uso dos metais, a agricultura e a gandería, e formas sociais e relixiosas máis complexas? as razas aborixes inferiores foron ?desaloxadas?, eliminadas fisicamente ou arrecunchadas en zonas isoladas (como Euskadi ou Finlandia, onde aínda se mantiña o tipo asiático e as linguas nonindoeuropeas). Así fora introducida a civilización en terras europeas: co triunfo das razas superiores e civilizadas sobre os pobos primitivos. E ese era o modelo que estaba a seguila expansión europea por outros continentes habitados por razas primitivas. A súa desaparición perante a forza da civilización era quizais tan inevitable (e tan necesaria) coma a dos antigos habitantes de Europa diante do avance dos arios (Murguía, 1865: 7; 1888b: 1.149). Foron precisamente esas razas asiáticas inferiores que vivían na Idade da Pedra os primeiros poboadores de Galicia, naqueles tempos escuros fóra da historia do país que Murguía condenaba ó esquecemento a maior gloria dos nosos devanceiros celtas. IV. CULTURA POPULAR Como xa dixen na Introducción, non se trata neste traballo de estudialo labor etnográfico desenvolvido por Murguía ?verbo diso non fago senón remitir á bibliografía indicada nas liñas introductorias. Pola contra o meu obxectivo será agora o de ver cáles eran as premisas sobre as que se apoiaba o seu labor etnográfico, e observar cómo aquelas condicionaban a súa concepción da ?cultura popular? galega e o seu achegamento a ela. Por suposto que, como