MANUEL MURGUÍA
263
idea preconcibida que guiaba as súas investigacións: a verdadeira historia de Galicia comezaba unicamente coa chegada dos celtas; os celtas eran os nosos únicos, e verdadeiros, devanceiros. Polo tanto, todo o que puidese ter existido antes ca eles no territorio que hoxe é Galicia (que f o i Galicia dende que nel entraron os celtasarios) podía ser esquecido sen remorso ningún (Murguía, 1888b: 2122; 1901: 449450). Se as raíces da nacionalidade galega estaban nos celtas ¿daquela por que perdelo tempo procurando as cativas pegadas dunhas escuras tribos de raza inferior (nonaria)?. A práctica arqueolóxica en Galicia debía centrarse, xa que logo, en estudialos vestixios deixados polos celtas ?especialmente os monumentos megalíticos e os castros? para poder coñecérmolos primeiros pasos da nacionalidade galega. O resto non era prioritario, e podía incluírse todo no confuso conglomerado dos ?tempos precélticos?. Polo tanto a súa utilización da información arqueolóxica estaba marcada por dúas limitacións importantes: a primeira era o ?prisma celtista? que el empregaba exclusivamente e que o levaba a desprezar períodos e restos nonceltas e a interpretalos vestixios arqueolóxicos dende unha perspectiva ?celtocéntrica?; a segunda era a súa dependencia das fontes clásicas referidas á Gallaecia (completadas con outras informacións de autores clásicos acerca doutras zonas ?celtas?, fundamentalmente as Galias), fontes que constituían para el a principal información (por riba da arqueoloxía) á hora de artellar unha imaxe dos devanceiros celtogalaicos (Pereira González, 1998). En canto ás orixes da civilización, Murguía adoptaba unha postura antiprimitivista que o achegaba en certa medida ás teses do evolucionismo sociocultural. O escritor coruñés concibía tamén unha primeira humanidade (calquera que forse a súa orixe) vivindo nun estado de salvaxismo, sen os mínimos rudimentos de ilustración e de cultura (estado que aínda compartían aquelas razas primitivas ás que en ocasións se refería). Posteriormente certos grupos humanos foron capaces de mellorar e de avanzar paseniño cara a meirandes cotas de civilización, nun avance continuo ata o presente. Ese destino só estaba reservado, porén, ás verdadeiras razas progresivas ?as razas arias?. Tal interpretación dos inicios da historia humana arredábase considerablemente da admitida pola ortodoxia relixiosa que vía unha d e x e n e r a c i ó n en troques dun avance continuo, e que salientaba a intervención divina ó longo de