262
BOLETÍN DA REAL ACADEMIA GALEGA
(tal e como se reflectía nalgúns dos seus comentarios ou a través da bibliografía que citaba); e pola outra cun uso selectivo e interesado de todos eles. Pois todo na súa obra estaba en función de establecer sobre bases seguras e convincentes a historia e a identidade diferenciadas do país. É por iso polo que a penas había referencias nos seus escritos ás controversias ó redor do transform i s m o. De tódolos xeitos el non parecía moi impresionado nin moi convencido verbo da transmutación das especies e da posible ?orixe simiana? do ser humano. Limitábase a dicir laconicamente que aínda faltaban probas para poder demostralo. Polo demais tampouco daba mostras de que lle interesase moito. Se verbo do transform i s m o amosaba unha actitude escéptica, as súas opinións eran máis decididas acerca da cuestión da antigüidade da humanidade e das orixes da civilización. O primeiro punto parecíalle xa completamente demostrado: o ser humano era moito máis antigo do que afirmaban as vellas cronoloxías baseadas no reconto das xenealoxías bíblicas (que lle daban á humanidade unha antigüidade non maior a seis mil ou sete mil anos). Os novos achados da arqueoloxía prehistórica eran unha boa proba diso (e concretamente citaba, en 1865, as descubertas de Boucher de Perthes nas terrazas do río Somme que amosaban a convivencia dos seres humanos con animais extintos en épocas ?antediluvianas?); como tamén o eran as tradicións das razas arias, que falaban de antigos acontecementos reais por medio da velada linguaxe das mitoloxías (Murguía, 1865). Con todo, o seu interese por este tema estaba tamén limitado ó seu obxectivo central. A fin de contas só interesaba coñecer esas bretemosas eras prehistóricas na medida en que podían fornecerlo de información acerca do poboamento de Europa polos arios ?e nomeadamente polos celtas?. As épocas anteriores á chegada dos arios ?a Idade da Pedra? xa non contaban para el. Se demostraba estar familiarizado coa literatura arqueolóxica do momento ?citando, por exemplo, a Boucher de Perthes, Nilson, Worsaae, Akerman, Gabriel de Mortillet, Cartailhac, etc.? non obstante, e no momento de achegarse á primitiva historia de Galicia, non aplicaba os seus coñecementos ós tempos prehistóricos do seu país. A Idade de Pedra, coas súas diferentes fases e materiais arqueolóxicos, quedaba fóra do seu eido de estudio en aras dunha