MANUEL MURGUÍA
261
Hai que dicir, finalmente, que a identidade racial celta creada por Murguía para os galegos estaba artellada con base en imaxes e tradicións dispares. Así aquela combinaba a representación habitual que se viña facendo dos celtas galaicos na historiografía galega decimonónica (en Verea, Padín, Faraldo ou Vicetto), como un pobo valoroso, culto, relixioso e amante da súa liberdade; cos caracteres atribuídos ás razas arias (activas, intelixentes, progresivas...); e coa descrición dos celtas como ?raza feminina? (típica, por exemplo, de autores como Renan ou Mathew Arnold) espiritual, relixiosa, sensible, melancólica, conservadora e dotada para a poesía e as artes. Esa combinación de elementos heteroxéneos se ben en ocasións resultaba na complementariedade dalgúns dos seus compoñentes, outras veces impoñía un difícil equilibrio entre eles (e incluso contradiccións ?das que Murguía non parecía decatarse, a diferencia doutros autores que establecían unha dicotomía entre as razas celtas pasivas e conservadoras e as razas xermanas activas e modernas; c f . Curtis, 1968; Chapman, 1992)?. III. A HUMANIDADE PRIMITIVA O debate acerca da orixe e antigüidade da humanidade e acerca dos comezos da civilización, alimentado por sucesivos achados arqueolóxicos e polas teorías evolucionistas, continuou aberto durante todo o século XIX, mesturando inextricablemente cuestións científicas e ideolóxicas. A fin de contas era nin máis nin menos a posición do propio ser humano na Natureza o que estaba en xogo. Na Galicia decimonónica este ?debate? desenvolveuse a través de liñas moi particulares debido ós contextos sociais, ideolóxicos e científicos nos que se insería: o amplo predominio das teses antievolucionistas (tanto no referido ó evolucionismo biolóxico, ou transform i s m o, como ó evolucionismo sociocultural) e a case total ausencia de información arqueolóxica referida a Galicia, foron as súas principais características (Pereira González, 1996). A participación de Murguía nestas discusións foi moi escasa. E isto é así sen dúbida porque eses temas quedaban fóra do alcance dos seus intereses e dos seus obxectivos. De novo atopámonos, por unha banda, coa familiaridade de Murguía a respecto de moitas das teorías, debates e investigacións da época